ព័ត៌មានពីខេត្តកំពង់ស្ពឺ ស្រុកឱរ៉ាល់
ចេញផ្សាយថ្ងៃច័ន្ទ០៣កេីត ខែពិសាខ ឆ្នាំកុរ ឯកសក័ព.ស.២៥៦២ ត្រូវនិងថ្ងៃទី០៦ ខែឧសភាឆ្នាំ២០១៩!
ថ្ងៃទី០៥ ខែឧសភា ឆ្នាំ២០១៩ថ្មីៗនេះកម្លាំងកងរាជអាវុធហត្ថមូលដ្ឋានស្រុកឱរ៉ាល់ បានសហការជាមួយគណបញ្ជាការឯកភាពរដ្ឋបាលស្រុកឃាត់រថយន្តដឹកផលអនុផលព្រៃឈើ ដោយគ្មានច្បាប់អនុញ្ញាតិ០១គ្រឿង ដឹកនាំដោយលោក ប៊ុន វិចិត្រ អភិបាលរងស្រុក ក៏បានប្រទះឃើញរថយន្តខ្នាតធំ០១គ្រឿង ពាក់ស្លាកលេខ ភ្នំពេញ 3A 1964 ម្ចាស់ឈ្មោះ បិុច ស៊ុន ភេទប្រុស អាយុ៤១ឆ្នាំ មានទីលំនៅ ភូមិអូរ ឃុំកាត់ភ្លុក ស្រុកបសេដ្ឋ ខេត្តកំពង់ស្ពឺ កំពុងធ្វើសកម្មភាពលើកអុសស្ទែរ បានចំនួន០៩ស្ទែរ នៅចំនុចខ្នងទំនប់ពាមល្វា ស្ថិតនៅភូមិស្រែច្រាប ឃុំត្រពាំងជោ ស្រុកឱរ៉ាល់ ពេលនេះក្រុមការងារបានឃាត់រថយន្តនោះយកមករក្សាទុកនៅស្នាក់ការដែនជម្រកសត្វព្រៃភ្នំឱរ៉ាល់ដើម្បីចាត់ការតាមនីតិវិធី។
គួររំលឹកថាកន្លងមកប្រជាពលរដ្ឋរស់នៅក្នុងស្រុកឱរ៉ាល់ បានឲ្យអង្គភាពគេហទំព័រ”ខ្មែរអច្ឆរិយ:”យើងដឹងថា បច្ចុប្បន្ននេះមានឈ្មញរកស៊ីឈើម្នាក់ឈ្មោះ ចែលីន ជាមេការដឹកឈើអុសឡង់មានទីលំនៅស្រុកឱរ៉ាល់ ខេត្តកំពង់ស្ពឺ កំពុងកែនប្រមូលប្រជាពលរដ្ឋក្នុងស្រុកឱយនាំគ្នាចូលទៅកាប់បំផ្លាញព្រៃឈើដោយខុសច្បាប់ក្នុងដែនជម្រកដែលជាប្រភេទកូនឈើគ្រប់មុខកំពុងលូតលាស់កាត់យកមកធ្វេីជាអុសយកទៅលក់ឲ្យថៅកែរោងចក្រនៅរាជធានីភ្នំពេញ។
ប្រភពនេះបានបង្ហេីបឲ្យអង្គភាពគេហទំព័រ”ខ្មែរអច្ឆរិយ:”ដឹងទៀតថា ថៅកែឈើខាងលេីនេះគេរកស៊ីមិនខ្លាចអាជ្ញាធម៌ដែនដី មន្ត្រីជំនាញឡេីយដោយគេអាងខ្នងបង្អែកពីជំទាវម្នាក់មានអំណាចម្នាក់នៅភ្នំពេញ ដែលមានប្ដីរបស់គាត់ជាឧត្ដមសេនីយ៍ទោដឹកឈើចេញពីខេត្តកពង់ស្ពឺជាច្រើនឆ្នាំកន្លងមកហេីយគ្មានកាបង្ក្រាបទេ ដោយដឹកម្ដងៗចាប់ពី០១ឡានទៅ០៣ឡានប្រភេទរថយន្តម៉ាកយីឌុបមានស្លាកលេខភ្នំពេញ2B 5130ចំណុះចាប់ពី៥០ទៅ៦០ម៉ែត្រគូបចេញពីចំណុចទំនប់ពាមល្វា ក្នុងភូមិច្រាប ឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ បានកំពុងបំផ្លាញផ្លូវជាតិរបស់រដ្ឋសូមបីតែស្ថានីជញ្ជីងនៅតាមផ្លូវក៏មិនហ៊ានបង្ក្រាបដែរកន្លងមក។
ជាក់ស្ដែងនៅថ្ងៃទី២៥ ខែមេសា ឆ្នាំ២០១៨ ក្រុមអ្នកសារព័ត៌មានយើងជាច្រើនអង្គភាពបានចុះមកបំពេញការងារយកព័ត៌មានចំណុចស្ពានពាមល្វា ក្នុងភូមិច្រាប ឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺបានជួបរថយន្តរបស់ថៅកែឈ្មោះចែលីន កំពុងលេីកឈើអុសដាក់លេីរថយន្តហេីយបានរាយការណ៍មាននេះទៅឯកឧត្ដម វី សំណាង អភិបាលខេត្តដេីម្បីជូនជ្រាបជាព័ត៌មាន ភ្លាមៗនោះឯកឧត្ដមបានបញ្ជាឲ្យកម្លាំងជំនាញចុះទៅដល់កន្លែងព្រមទាំងបង្ក្រាបបានទាន់ពេលវេលានូវរថយន្តដឹកឈើអុសរបស់ឈ្មោះចែលីននេះដេីម្បីចំណាត់ការតាមផ្លូវច្បាប់។
ប្រជាពលរដ្ឋបាននាំគ្នាថ្លែងអំណរគុណចំពោះឯកឧត្ដមអភិបាលខេត្ត វី សំណាង បានបង្ក្រាបទាន់ពេលវេលារាល់បទល្មេីសព្រៃឈើដែលកេីតមាននៅក្នុងខេត្តបន្ទាប់ពីមានសេចក្ដីរាយការណ៍។
ធ្វេីសេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net
