ព័ត៌មានពីខេត្តរតនគិរី ក្រុងបានលុង
ចេញផ្សាយថ្ងៃអាទិត្យ០២កេីត ខែពិសាខ ឆ្នាំកុរ ឯកស័កព.ស.២៥៦២ ត្រូវនិងថ្ងៃទី០៥ ខែឧសភាឆ្នាំ២០១៩!
នៅរសៀលថ្ងៃទី០៥ ខែឧសភា ឆ្នាំ២០១៩ នេះឃ្លាំងស្តុកឈើកមួយកន្លែង ស្ថិតក្នុងភូមិឡាប៉ូ សង្កាត់យក្សឡោម ក្រុងបានលុង ខេត្តរតនគិរី ត្រូវបានលោក រ៉ា បូរ៉ាន់ឌី ព្រះរាជ្ញារងអមសាលាដំបូងខេត្តរតនគិរី ដឹកនាំកម្លាំងនគរបាលប្រឆាំងបទល្មើសសេដ្ឋកិច្ច កម្លាំងនគរបាលក្រុងបានលុង មន្ត្រីខណ្ឌរដ្ឋបាលព្រៃឈើចុះរឹបអូស។
តាមប្រភពព័ត៌មានបានប្រាប់ឲ្យអង្គភាពគេហទំព័រ”ខ្មែរអច្ឆរិយ:”យើងដឹងថា ឈើទាំងនេះជាប្រភេទឈើកកោះ ហើយលោកបញ្ជាឲ្យដឹកទៅរក្សាទុកនៅខណ្ឌរដ្ឋបាលព្រៃឈើ សិនដេីម្បីរង់ចាំវាស់វែងនៅពេលក្រោយ ទាក់ទិនទៅនឹងឃ្លាំងស្តុកឈើខាងលើនេះដែរមន្ត្រីប៉ុស្តិ៍នគរបាលសង្កាត់យក្សឡោម ប្រាប់ឲ្យអង្គភាពគេហទំព័រ”ខ្មែរអច្ឆរិយ:”យើងដឹងថា ឈើទាំងនេះមិនស្គាល់ឈ្មោះម្ចាស់ទីតាំងនៅឡេីយទេ គឺពួកគេជួលតៗគ្នាប៉ុន្តែម្ចាស់ពិតប្រាកដប្រហែលនៅរាជធានីភ្នំពេញឯណោះ។
ប្រភពមួយទៀតបានបង្ហើបថាឈើទាំងនេះក្រុមឈ្មួញដឹកយកទៅលក់ឲ្យឈ្មួញវៀតណាមនៅពេលយប់ៗ ដាក់តាមរថយន្តសាំយ៉ុង ហើយត្រូវបានគេសង្ស័យថាឃ្លាំនេះមានកូនមន្ត្រីថ្នាក់ខ្ពស់២នាក់ (សុំមិនបញ្ចេញឈ្មោះ) ចេញមុខរត់ការណ៍ឲ្យឈ្មួញវៀតណាម ដោយមានឥទ្ធិពលឪពុកកាងពីក្រោយ។
ដោយយោងតាមអនុសាស្ត្រដ៏ខ្ពង់ខ្ពស់សម្ដេចតេជោ ហ៊ុន សែន នាយករដ្ឋមន្ត្រី នាពេលនេះត្រូវតែបង្ក្រាបឲ្យបានជាដាច់ខាតមិនថាអ្នកមានអំណាច មានខ្សែប៉ុណ្ណាក៏ដោយចំពោះករណីនាំឈើចេញឆ្លងដែននោះហើយប្រជាជនយើងសង្ឃឹមថាចំពោះម្ចាស់ឃ្លាំងនេះពិតជាមានការឃាត់ខ្លួនបាននាពេលឆាប់ៗដេម្បីយកមកផ្តន្ទាទោសតាមផ្លូវច្បាប់បន្ទាប់ពីការរឹបអូសឈើជាច្រើន។
ធ្វេីសេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net
