ព័ត៌មានពីខេត្តមណ្ឌលគិរី ស្រុកកោះញែក
ចេញផ្សាយថ្ងៃអាទិត្យ០២កេីត ខែពិសាខ ឆ្នាំកុរ ឯកស័កព.ស.២៥៦២ ត្រូវនិងថ្ងៃទី០៥ ខែឧសភាឆ្នាំ២០១៩!
នៅព្រឹកថ្ងៃអាទិត្យ០២កេីត ខែពិសាខ ឆ្នាំកុរ ឯកស័កព.ស.២៥៦២ ត្រូវនិងថ្ងៃទី០៥ ខែឧសភាឆ្នាំ២០១៩ ឯកឧត្ដម ស្វាយ សំអ៊ាង អភិបាល នៃគណៈអភិបាលខេត្តមណ្ឌលគិរី អមដំណើរ ដោយលោកឧត្តមសេនីយ៍ទោ ឡោ សុខា ស្នងការនគរបាលខេត្ត មេបញ្ជាការរងកងរាជអាវុធហត្ថខេត្ត លោកប្រធានមន្ទីរកសិកម្ម រុក្ខាប្រមាញ់និងនេសាទខេត្ត លោកនាយខណ្ឌរដ្ឋបាលព្រៃ និងនាយផ្នែករដ្ឋបាលព្រៃឈើកោះញែក បានចុះត្រួតពិនិត្យតាមបណ្តាក្រុមហ៊ុននានានៅស្រុកកោះញែក ដែលកំពុងធ្វើការឈូសឆាយ និងប្រមូលផល អនុផលព្រៃឈើ ជាពិសេស ជំរុញការដាំដុះដំណាំផ្សេងៗ ទៅតាមផែនការដែលក្រសួងបានកំណត់។
នាឱកាសនោះ ឯកឧត្តម អភិបាលខេត្ត បានជំរុញដល់ក្រុមហ៊ុនទាំងអស់ ត្រូវខិតខំប្រមូលផល អនុផលព្រៃឈើដែលបានបង់ពន្ធជូនរដ្ឋ ដើម្បីធ្វើការកែឆ្នៃសម្រាប់ប្រើប្រាស់ និងត្រូវអនុវត្តតាមគោលការណ៍របស់មន្ត្រីជំនាញ និងតាមកិច្ចសន្យារបស់ក្រសួងកសិកម្មរុក្ខាប្រមាញ់និងនេសាទ ដែលបានកំណត់ឱ្យបានត្រឹមត្រូវជាពិសេសជំរុញការដាំដុះដំណាំផ្សេងៗ។
បន្ថែមលើសនេះ ឯកឧត្តម អភិបាលខេត្ត បានណែនាំដល់សមត្ថកិច្ច រួមទាំងមន្ត្រីជំនាញ ត្រូវសហការគ្នាទប់ស្កាត់ និងបង្ក្រាប់បទល្មើសផ្សេងៗ ជាពិសេស ការកាប់ទន្ទ្រានយកដីរដ្ឋធ្វើជាកម្មសិទ្ធឲ្យខានតែបាន។
ធ្វេីសេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net
