ព័ត៌មានពីខេត្តមណ្ឌលគិរី ស្រុកពេជ្រាដា
ចេញផ្សាយថ្ងៃសៅរ៍០១ កើត ខែពិសាខ ឆ្នាំកុរ ឯកស័កព.ស.២៥៦២ ត្រូវនិងថ្ងៃទី០៤ខែឧសភាឆ្នាំ២០១៩។
នៅថ្ងៃសៅរ៍០១កើត ខែពិសាខ ឆ្នាំកុរ ឯកស័កព.ស.២៥៦២ ត្រូវនិងថ្ងៃទី០៤ខែឧសភាឆ្នាំ២០១៩
គណ:បញ្ជាការឯកភាពខេត្ត ក្រោមការបញ្ជាផ្ទាល់ពីសំណាក់ ឯកឧត្តម ស្វាយ សំអៀង អភិបាលនៃគណអភិបាលខេត្តមណ្ឌលគីរីបានប្រើកណ្ដាប់ដៃក្ដៅដោយបើកយុទ្ធនាការបង្ក្រាបបទល្មេីសព្រៃឈេីជាក់ស្ដែង រឹបអូសឈើ ដែលឈ្មួញលួចកាប់បំផ្លាញពីតំបន់អភិរក្សនានាក្នុងខេត្តមណ្ឌលគីរី ហើយយកមកលាក់ទុក បានចុះដល់ទីតាំងស្ដុកឈើលួចលាក់នៅក្នុងមូលដ្ឋានស្រុកពេជ្រាដា ដែលសង្ស័យថាឈ្មួញអាចលួចកាប់បំផ្លាញព្រៃអភិរក្សនៅតំបន់ ទឹកជ្រោះប៊ូស្រានិងក្នុងដែនជម្រកភ្នំណាមលៀ។
តាមប្រភពពីមន្ត្រីជំនាញបានអោយអង្គភាពគេហទំពរ”ខ្មែរអច្ឆរិយ:” យើងដឹងថា ក្នងយុទ្ធនាការបង្ក្រាបនេះបានប្រមូលឈើប្រណិតបានប្រហែលជិត១០០ដុំនៅក្នុងភូមិសាស្ដ្រស្រុកពេជ្រាដានេះ។ សូមរំលឹកថា កាលពីថ្ងៃទី០១ ខែឧសភា ឆ្នាំ២០១៩កន្លងទៅថ្មីៗនេះ ឯកឧត្តមអភិបាលខេត្ត ក៏បានដឹកនាំកំលាំងរដ្ឋបាលចុះបង្ក្រាបបានឈើប្រណិតចំនួន៨៣កំណាត់ផងដែរ នៅក្នុងភូមិសាស្ដ្រ ភូមិ ឡៅកា ឃុំឡៅកា ក្រុងសែនមនោរម្យ ខេត្តមណ្ឌលគីរី បន្ទាប់ពីមានការចង្អុលបង្ហាញពីក្រុមការងារឧត្តមក្រុមប្រឹក្សាពិគ្រោះនិងផ្ដល់យោបល់ ឯកឧត្តម នួន សុខាវី រួចមក។
កាលពីពេលថ្មីៗកន្លងទៅនេះ សម្ដេចតេជោ នាយករដ្ឋមន្ត្រី បានប្រកាសបិទការនាំឈើចេញទៅក្រៅប្រទេសចំពោះឈើដែលគ្មានអាជ្ញាប័ណ្ណនាំចេញត្រឹមត្រូវនឹងបានអំពាវនាវអោយមន្ត្រីក្រោមឱវាទ អនុវត្តវិធានការក្ដៅដោយចាត់ការតាមផ្លូវច្បាប់ចំពោះឈ្មួញឈើទាំងឡាយណាដែលនៅតែរឹងរូសឬបំពានលើបំរាមនេះ។ ដូច្នេះការអនវត្តន៍វិធានការនេះ គឺស្របតាមអនុសាសន៍ដ៏ខ្ពង់ខ្ពស់របស់សម្ដេចតេជោ ប្រមុខដឹកនាំនៃរាជរដ្ឋាភិបាលកម្ពុជា។
ធ្វេីសេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ” http/www.khpress.net