ព័ត៌មានពីខេត្តគិរី ស្រុកពេជ្រាដា
ចេញផ្សាយថ្ងៃច័ន្ទ១០រោច ខែចេត្រ ឆ្នាំកុរ ឯកសក័ព.ស.២៥៦២ ត្រូវនិងថ្ងៃទី២៩ ខែមេសាឆ្នាំ២០១៩!
អត្ថបទ: ដោយ វង្ស រចនា
នៅថ្ងៃអាទិត្យ០៩រោច ខែចេត្រ ឆ្នាំកុរ ឯកសក័ព.ស.២៥៦២ ត្រូវនិងថ្ងៃទី២៨ ខែមេសា ឆ្នាំ២០១៩ ឯកឧត្តម ស្វាយ សំអ៊ាង អភិបាល នៃគណៈអភិបាលខេត្តមណ្ឌលគិរី អមដំណើរដោយលោកឧត្តមសេនីយ៍ទោ ឡោ សុខា ស្នងការនគរបាលខេត្ត លោកមេបញ្ជាការតំបន់ប្រតិបត្តិការសឹករងខេត្ត លោកមេបញ្ជាការរងកងរាជអាវុធហត្ថខេត្ត និងមន្ទីរអង្គភាពជំនាញ ជុំវិញខេត្តបានចុះត្រួតពិនិត្យមើលតាមខ្សែបន្ទាត់ព្រំដែន និងចុះសួរសុខទុក្ខដល់កងកម្លាំងដែលឈរជើងតាមបន្ទាត់ព្រំដែនក្នុងស្រុកពេជ្រាដា ខេត្តមណ្ឌលគិរី។
ឯកឧត្តម អភិបាលខេត្ត បានមានប្រសាសន៍ថា គោលបំណងដើម្បីចុះពិនិត្យមើលស្ថានភាពព្រំដែនដែលកងវិស្វកម្មបានឈូសឆាយផ្លូវតាមបន្ទាត់ព្រំដែន និងពិនិត្យតាមខ្សែបន្ទាត់ព្រំដែនចន្លោះបង្គោលសីមាលេខ ៤៨-៤៧ នៅតំបន់ព្រំដែនកម្ពុជា-វៀតណាម និងបានចុះសាកសួរសុខទុក្ខដល់កងកម្លាំងប៉ុស្តិ៍នគរបាលការពារព្រំដែនគោកក្បាលដំរី ប៉ុស្តិ៍ដាក់ជម និងប៉ុស្តិ៍ដាក់ចូរ ថែមទាំងចុះពិនិត្យមើលដីសម្បទានសង្គមកិច្ច សម្រាប់សាងសង់លំនៅដ្ឋានជូនកងកម្លាំងដែលឈរជើងនៅតាមបន្ទាត់ព្រំដែនផងដែរ។
ក្នុងឱកាសនោះដែរឯកឧត្តម អភិបាលខេត្ត បានឧបត្ថម្ភដល់កងកម្លាំងនគរបាល និងកងកម្លាំងយោធាដែលកំពុងឈរជើងនៅតាមតំបន់ព្រំដែននូវថ្នាំផ្តាសាយ ព្រមទាំងឧបត្ថម្ភថវិកាក្នុងមួយប៉ុស្តិ៍ៗទទួលបានថវិកា១លានរៀលដោយឡែកលោកឧត្តមសេនីយ៍ទោ ឡោ សុខា ស្នងការនគរបាលខេត្ត បានពាំនាំនូវថវិកាដែលជាអំណោយដ៏ថ្លៃថ្លារបស់ ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិជូនដល់ប៉ុស្តិ៍នគរបាលការពារព្រំដែនគោកទាំងបីប៉ុស្តិ៍ដោយក្នុងមួយប៉ុស្តិ៍ៗទទួលបានថវិកា៤០ម៉ឺនរៀលផងដែរ។
កងកម្លាំងទាំងអស់ដែលឈរជេីងតាមបន្ទាត់ព្រំដែនបានថ្លែងអំណគុណចំពោះឯកឧត្ដមនិងក្រុមការងារដែលបានចុះសួរសុខទុកព្រមទាំងបាននាំយកអំណោយគ្រឿងឧប្បភោគជូនដល់កងកម្លាំងសូមគោរពជូនពរឯកឧត្ដមនិងក្រុមការងារបានជួបនូវសេចក្ដីសុខគ្រប់ប្រការនិងពុទ្ធពរប្រាំប្រការ គឺអាយុ វណ្ណ: សុខៈ ពល: និងបដិភាណ: កុំបីឃ្លៀងឃ្លាតឡេីយ។
ធ្វើសេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ “http/www.khpress.net”
