ព័ត៌មានពីខេត្តកំពង់ស្ពឺ
ចេញផ្សាយថ្ងៃអាទិត្យ ០៩រោច ខែចេត្រ ឆ្នាំកុរ ឯកសក័ព.ស.២៥៦២ ត្រូវនិងថ្ងៃទី២៨ ខែមេសាឆ្នាំ២០១៩!
អត្ថបទ: ដោយ វង្សច័ន្ទសម័យ
នេះបេីយោងតាមប្រភពព័ត៌មានពីតៃកុងគោយន្តដែលដឹកផលអនុផលព្រៃឈើបានបង្ហេីបប្រាប់ឲ្យអង្គភាពគេហទំព័”ខ្មែរអច្ឆរយ:”យើងដឹងថា បច្ចុប្បន្ននេះមានគោយន្តដឹកឈើនៅស្ពានដែក ក្នុងស្រុកឱរ៉ាល់ ខេត្តកំពង់ស្ពឺ រាប់សិបគ្រឿងបាននាំគ្នាដឹកស៊ីឈ្នួលឲ្យថៅកែឈើដុះស្លែឈ្មោះ ប្រូចយកមកស្តុបទុកក្នុងស្រុក រួចបន្តយកទៅលក់ចែកចាយទៅតាមបណ្តាខេត្តផ្សេងៗដោយគេមានការទំនាក់ទំនងជាមួយថៅកែធំៗដ៏ទៃទៀតមិនដែលឃើញមានអាជ្ញាធម៌ដែនដី មន្ត្រីជំនាញណាម្នាក់ហ៊ានចេញមុខបង្ក្រាបនោះទេដោយលឺថាមេឈ្មួញរកស៊ីឈើរូបនេះមានខ្នងបង្អែកក្រាក់ៗនៅកាងពីក្រោយខ្នងក្នុងការរកស៊ីំ។
ប្រភពនេះបានបន្តទៀតថា ថៅកែឈើដ៏ល្បីឈ្មោះខាងលើនេះគេមានមុខរបរជំនួញខាងកាប់បំផ្លាញព្រៃឈើនិងដឹកជញ្ជូនឈើឆ្លងខេត្ត ជាក់ស្ដែងមានការដឹកឈើចេញពីទឹកដីខេត្តពោធិ៍សាត់ តាមច្រកបឹងខ្លុង និងអូរត្រាវ ឆ្លងកាត់ក្រុមហ៊ុន HLH យ៉ាងគគ្រឹកគគ្រេងគ្មានមន្ត្រីជំនាញណាម្នាក់ហ៊ានចេញមុខបង្ក្រាបឡេីយដោយមេឈ្មួញរូបនេះបាននិយាយអ៊ួតក្ដែងៗថាគេមិនខ្វល់អ្វីទេរាល់ថ្ងៃនេះការងាររកស៊ីមុខជំនួញរបស់គេមិនដែលខ្លាចនណាម្នាក់ឡេីយមិនថាថ្នាក់ណាមានបុណ្យស័ក្តិប៉ុន្មាន? គេបានបង់លុយទាំងអស់ហេីយ រហូតថែមទាំងមេឈ្មួញរូបនេះបានដេីរគំរាមថាមន្ត្រីបរិស្ថាន បឹងខ្លុង និងអូរត្រាវ មិនហ៊ាន បង្ក្រាបគេទេ ព្រោះមន្ត្រីទាំងនោះជាមិត្តភ័ក្រស្និទ្ធស្នាលជាមួយនឹងគ្នាហូបបាយចានតែមួយ។
ប្រជាពលរដ្ឋក៏ដូចជាមន្ត្រីរាជការបាននាំគ្នាធ្វេីការសំនូមពរទៅឯកឧត្ដម វី សំណាង អភិបាលនៃគណ:អភិបាលខេត្តកំពង់ស្ពឺ ឯកឧត្ដម វេង សាខុន រដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទឯកឧត្ដម សាយ សំអាល់ រដ្ឋមន្ត្រីក្រសួងបរិស្ថាន ពិសេស នាយឧត្ដមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈ កម្មការបង្ក្រាបបទល្មើសធនធានធម្មជាតិថ្នាក់ជាតិសូមលោកមានវិធានការមកលើបុគ្គលជាមេឈ្មួញឈ្មោះប្រួច សព្វថ្ងៃរស់នៅស្រុកឱរ៉ាល់ ខេត្តកំពង់ស្ពឺនេះផងដែលបច្ចុប្បន្ននេះកំពុងតែរកស៊ីប្រមូលគៀគរកែនប្រជាពលរដ្ឋចូលកាប់បំផ្លាញព្រៃឈើក្នុងដែនជម្រកក្នុងខេត្តកំពង់ស្ពឺ បានផ្គេីនទៅនិងអនុសាស្ត្ររបស់សម្ដេចក្រឡាហោម ស ខេង ឧប្បនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។
សូមបញ្ជាក់ថា ថ្មីៗនេះកាលពីថ្ងៃទី២៦ ខែមេសាឆ្នាំ២០១៩ ឯកឧត្ដម វី សំណាង អភិបាលនៃគណ:អភិបាលខេត្តកំពង់ស្ពឺ លោកបានបញ្ជាកម្លាំងជំនាញរដ្ឋបាលព្រៃឈើបង្ក្រាបរថយន្តយីឌុប០១គ្រឿងរបស់ឈ្មួញឈ្មោះចែលីន នៅចំណុចទំនប់ទឹកពាមល្វា ក្នុងភូមិចាក ឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ ដឹកឈើអុសដែលលួចចូលទៅកាប់បំផ្លាញកូនឈើកំពុងដុះលូតលាស់នៅក្នុងព្រៃដែនជម្រកភ្នំឱរ៉ាល់ដោយគ្មានច្បាប់អនុញ្ញាត។
សូមជម្រាបអង្គភាពសារព័ត៌មាន និងគេហទំព័រ”ខ្មែរអច្ឆរិយៈ”យើងខ្ញុំរង់ចាំការបកស្រាយបន្ថែមពីសាមុីខ្លួនឫអ្នកពាក់ព័ន្ធបើមានប្រតិ្តកម្មណាមួយ និងអាចផ្តល់ព័ត៌មានមកការិយាល័យនិពន្ធ ០១២:៥០៥៣៤៤បេី គិតថាការចុះផ្សាយមិនពិតអង្គភាពយើងខ្ញុំនិងធ្វើការកែតម្រូវនៅរៀងរាល់ម៉ោងធ្វេីការ។
ធ្វេីសេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net