ព័ត៌មានពីខេត្តបន្ទាយមានជ័យ ក្រុងប៉ោយប៉ែត
ចេញផ្សាយថ្ងៃអាទិត្យ ០៩រោច ខែចេត្រ ឆ្នាំកុរ ឯកសក័ព.ស.២៥៦២ ត្រូវនិងថ្ងៃទី២៨ ខែមេសាឆ្នាំ២០១៩!
អត្ថបទ:ដោយ វង្ស រចនា
នារសៀលថ្ងៃទី២៧ ខែមេសា ឆ្នាំ២០១៩នេះ លោកមាស ច័ន្ទពិសិដ្ឋ ព្រះរាជាអាជ្ញាអមសាលាដំបូងខេត្ត បន្ទាយមានជ័យ លោកឧត្តមសេនីយ៍ត្រី បោន ប៉ិន មេបញ្ជាការអាវុធហត្ថខេត្ត ត្រួតពិនិត្យវត្ថុតាងជាគ្រឿងញៀន និងសាកសួរព័ត៌មានបន្ថែមពីជនសង្ស័យចំនួន២នាក់នៅទីបញ្ជាការអាវុធហត្ថខេត្តបន្ទាយមានជ័យ។
លោកឧត្តមសេនីយ៍ បោន ប៉ិនមេបញ្ជាការអាវុធហត្ថខេត្តបានប្រាប់អោយអង្គភាពសារព័ត៌មាននិងគេហទំព័រ”ខ្មែរអច្ឆរិយ:” យេីងដឹងថា ករណីឃាត់ចាប់បានគ្រឿងញៀនខាងលើកម្លាំងអាវុធហត្ថ របស់យើងបានធ្វើការស្រាវជ្រាវយ៉ាងម៉ត់ចត់និងតាមបទបញ្ជាពីនាយឧត្តមសេនីយ៍ សៅ សុខា ធ្វើយ៉ាងណាត្រូវទប់ស្កាត់បង្ក្រាបអោយខានតែបាន ទើបកម្លាំងយើងចុះទាន់សភាពការណ៌ភ្លាមៗ លោក ប៉ោន បិុនបានបន្តទៀតថា ជនសង្ស័យទាំង២នាក់នេះកម្លាំងយើងបង្ក្រាបនិងឃាត់ខ្លួនបានមាឈ្មោះ
ទី១ ឈ្មោះ ភុងចាន់ សេកសាន់ ភេទប្រុស អាយុ៣២ឆ្នាំ ជនជាតិថៃ រស់នៅភូមិ១ សង្កាត់-ក្រុងវ្វ៉ាងណាំយេន ខេត្តស្រះកែវ ប្រទេសថៃ
និងទី ២ ឈ្មោះ អាត់ សំរេច ភេទប្រុស អាយុ៣៧ឆ្នាំ ភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែត។
លោកមេបញ្ជាការបន្ថែមទៀតថា ករណីប្រតិបត្តិការណ៌បង្ក្រាបនេះ នៅល្ងាចថ្ងៃទី ២៦ ខែមេសា ឆ្នាំ២០១៩ នៅចំណុចភូមិទួលពង្រ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ
បច្ចុប្បន្ននេះជនសង្ស័យនិងវត្ថុតាងត្រូវបានកសាងសំណុំរឿងបញ្ជូនទៅសាលាដំដូងខេត្តចំណាត់ការតាមនីតិវិធី។
ធ្វើសេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net
