ចេញផ្សាយថ្ងៃសៅរ៍ ០៨រោច ខែចេត្រ ឆ្នាំកុរ ឯកសក័ព.ស.២៥៦២ ត្រូវនិងថ្ងៃទី២៧ ខែមេសាឆ្នាំ២០១៩!
នៅថ្ងៃទីថ្ងៃសុក្រ០៧រោច ខែចេត្រ ឆ្នាំកុរ ឯកសក័ព.ស.២៥៦២ ត្រូវនិងថ្ងៃទី២៦ ខែមេសាឆ្នាំ២០១៩ មានករណីដុតផ្ទះប្រជាពលរដ្ឋ០២ខ្នង ស្ថិតក្នុងភូមិអូររក្លង សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគីរី បង្កឡេីងដោយមេការលោកឧកញ៉ា អុឹង ប៊ុនហ៊ូវ។
យោងតាមប្រភពព័ត៌មានពីប្រជាពលរដ្ឋបានឲ្យអង្គភាពគេហទព័រ”ខ្មែរអច្ឆរិយ:”យេីងដឹងថា ក្នុងករណីដែលឈានដល់ការដុតកំទេចលំនៅដ្ឋាន០២ របស់ប្រជាពលរដ្ឋនេះកេីតឡេីងដោយសារពាក់ព័ន្ធនឹងរឿងទំនាស់ដីធ្លី រវាងពលរដ្ឋ១៤គ្រួសារមកពីភូមិពូទ្រូ ឃុំសែមនោរម្យ ស្រុកអូររាំង ខេត្តមណ្ឌលគិរី ជាមួយនឹងសួនកូលាបរបស់ឧកញ៉ា អ៊ឹង ប៊ុនហ៊ូវ ដែលទំនាស់នេះមានរយៈពេលជាង០២ឆ្នាំមកហើយទើបនៅដើមខែមេសានេះពលរដ្ឋ១៤គ្រួសារផ្ទុះការតវ៉ាម្ដងទៀត ក៏ប៉ុន្តែពុំទទួលបានដំណោះស្រាយណាមួយពីអាជ្ញាធរក្រុងក៏ដូចមន្ទីរពាក់ព័ន្ធនៅឡើយ។
ប្រភពនេះបានបន្តទៀតថា លុះមកដល់ថ្ងៃទី២៦ខែមេសា ឆ្នាំ២០១៩នេះក៍មានផ្ទុះហឹង្សារឈានដល់ការដុតកំទេចលំនៅដ្ឋានពលរដ្ឋ១៤គ្រួសារអស់០២ខ្នង។ ក្នុងករណីបង្កហឹង្សានេះក៏មានការអន្តរាគមន៍ ពីលោកកាន់ ពេញ អធិការដ្ឋាននគរបាលក្រុងសែនមនោរម្យចុះមកដល់កន្លែងកើតហេតុភ្លាម។
(សូមរង់ចាំតាមដានលេខក្រោយបន្តទៀត)
ធ្វេីសេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress