ព័ត៌មានពីខេត្តកំពង់ស្ពឺ ស្រុកឱរ៉ាល់
ចេញផ្សាយថ្ងៃសុក្រ០៧រោច ខែចេត្រ ឆ្នាំកុរ ឯកសក័ព.ស.២៥៦២ត្រូវនិងថ្ងៃទី២៦ខែមេសាឆ្នាំ២០១៩!
យោងតាមប្រភពព័ត៌ពីប្រជាពលរដ្ឋរស់នៅក្នុងស្រុកឱរ៉ាល់ បានឲ្យអង្គភាពគេហទំព័រ”ខ្មែរអច្ឆរិយ:” យើងដឹងថា បច្ចុប្បន្ននេះ មានឈ្មញរកស៊ីឈើម្នាក់ឈ្មោះ អាលីន ហៅជំទាវតូច មានទីលំនៅស្រុកឱរ៉ាល់ ខេត្តកំពង់ស្ពឺ កំពុងកែនប្រមូលប្រជាពលរដ្ឋក្នុងស្រុកឱយនាំគ្នាចូលទៅកាប់បំផ្លាញព្រៃឈើដោយខុសច្បាប់ក្នុងដែនជម្រកដែលជាប្រភេទកូនឈើគ្រប់មុខកំពុងលូតលាស់កាត់យកមកធ្វេីជាអុសយកទៅលក់ឲ្យថៅកែរោងចក្រនៅរាជធានីភ្នំពេញ។
ប្រភពនេះបានបង្ហេីបឲ្យអង្គភាពគេហទំព័រ”ខ្មែរអច្ឆរិយ:”ដឹងទៀតថា ថៅកែឈើខាងលេីនេះគេរកស៊ីមិនខ្លាចអាជ្ញាធរដែនដី មន្ត្រីជំនាញឡេីយដោយគេអាងខ្នងបង្អែកពីជំទាវម្នាក់មានអំណាចម្នាក់នៅភ្នំពេញ ដែលមានប្ដីរបស់គាត់ជាឧត្ដមសេនីយ៍ទោដឹកឈើចេញពីខេត្តកំពង់ស្ពឺជាច្រើនឆ្នាំកន្លងមកហើយ គ្មានកាបង្ក្រាបទេ ដោយដឹកម្ដងៗចាប់ពី០១ឡានទៅ០៣ឡានប្រភេទរថយន្តម៉ាកយីឌុបមានចំណុះចាប់ពី៥០ទៅ៦០ម៉ែត្រគូបចេញពីម្ដុំស្ពានល្វា ក្នុងភូមិចាក ឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺបានកំពុងបំផ្លាញផ្លូវជាតិរបស់រដ្ឋសូមបីតែស្ថានីជញ្ជីងនៅតាមផ្លូវក៏មិនហ៊ានបង្ក្រាបដែរកន្លងមក។
ជាក់ស្ដែងនៅថ្ងៃទី២៥ ខែមេសា ឆ្នាំ២០១៨ ក្រុមអ្នកសារព័ត៌មានយើងជាច្រើនអង្គភាពបានចុះមកបំពេញការងារយកព័ត៌មានចំណុចស្ពានល្វា ក្នុងភូមិចាក ឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺបានជួបរថយន្តរបស់ថៅកែឈ្មោះលីន កំពុងលេីកឈើអុសដាក់លើរថយន្ត ហើយបានរាយការណ៍មាននេះទៅឯកឧត្ដម វី សំណាង អភិបាលខេត្តដេីជូនជ្រាប!