ព័ត៌មានពីខេត្តមណ្ឌលគិរី
ចេញផ្សាយថ្ងៃអង្គារ០៤រោជ ខែចេត្រ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៣ ខែមេសា ឆ្នាំ២០១៩
ប្រជាពលរដ្ឋក្នុងខេត្តមណ្ឌលគិរីនាពេលបច្ចុប្បន្ននេះ
កំពុងនាំគ្នារិះគន់យ៉ាងខ្លាំងៗមកលេីមន្ទីរជំនាញ សាធារណៈការនិងដឹកជញ្ជូនខេត្តមណ្ឌលគិរីដែលមានលោក ម៉ៅ ធនារក្ស ជាប្រធានមន្ទីរហាក់បីដូចជាគ្មានការយកចិត្តទុកដាក់ស្ថាបនាឬជួសជុលនូវផ្លូវក្រាលកៅស៊ូជាច្រេីនខ្សែក្នុងសង្កាត់ទាំង៤ក្នុងក្រុងសែនមនោរ្យនោះឡើយ បែរជាបណ្តែតបណ្តោយទុកឲ្យផ្លូវទាំងនោះខូចកាន់តែខ្លាំងទៅៗធ្វើអោយអ្នកធ្វើដំណើរពិបាកក្នុងការធ្វើចរាចរណ៍របស់ពួកគេ។
ប្រជាពលរដ្ឋក៏ដូចជាមន្ត្រីរាជការក្នុងខេត្តនេះ
បានលើកឡើងដូចៗគ្នាថា ផ្លូវក្រាលកៅស៊ូជាច្រើនខ្សែនៅក្នុងសង្កាត់ចំនួន៤រួមមាន សង្កាត់មនោរម្យ សង្កាត់ស្ពានមានជ័យ សង្កាត់សុខដុម និងសង្កាត់ រមនា ផ្លូវក្រាលកៅស៊ូជាច្រើនកន្លែងត្រូវបានខូចខាតយ៉ាងធ្ងន់ធ្ងរគេពុំដែលឃើញខាងជំនាញនៃមន្ទីរសាធារណៈការណ៍ខេត្តនេះអើពើរឿងជួសជុលឬស្ថាបនានោះទេ?ទាំងនេះមកពីលោកប្រធានមន្ទីរ អសមត្ថភាពក្នុងការដឹកនាំក្នុងការស្ថាបនាជួសជុលឬគ្មានកញ្ចប់ថវិកាជាតិបានជាទុកឲ្យផ្លូវថ្នល់ខូចខាតបែបនេះ។ ចំណែផ្លូវមួយចំនួនទៀតនៅក្នុងក្រុងសែនមនោរម្យ បែរជាសាលាខេត្តជាអ្នកស្ថាបនាឬជួសជុលទៅវិញរីឯខាងមន្ទីរជំនាញសាធារណៈការណ៍ខេត្ត លែងរវីរវល់ក្នុងរឿងនេះតែម្តង។
ប្រជាពលរដ្ឋក៍ដូចជាមន្ត្រីរាជការក្នុងខេត្តមណ្ឌលគិរីបាននាំគ្នាធ្វើការសំណូមពរដល់លោក ស្វាយ សំ
អ៊ាង អភិបាលនៃគណ:អភិបាលខេត្តមេត្តាមានវិធានការមកលេីលោកម៉ៅ ធនារក្ស ប្រធានមន្ទីរសាធារណៈការណ៍និងដឹកជញ្ជូនខេត្តមណ្ឌលគិរីផងតើមូលហេតុអ្វីបានជាមិនបើកភ្នែកមើលផ្លូវទាំងនេះផង។ ជាពិសេសពួកគេបានសំនូមពរទៅឯកឧត្ដមស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណៈការនិងដឹកជញ្ជូនសុំមេត្តាបញ្ជូនមន្ត្រីជំនាញថ្នាក់លើចុះមកធ្វេីអធិការកិច្ចដេីម្បីពិនិត្យផ្ទាល់រាល់សកម្មភាពជាក់ស្តែងនៅមន្ទីរនេះផងក្រែងរបាយការរាយការណ៍ផ្សេងរីឯសកម្មភាពអនុវត្តផ្សេង។
ហេីយទាក់ទងរឿងផ្លូវថ្នល់រងការខូចខាតដែលប្រជាពលរដ្ឋរិះគន់មន្ទីរជំនាញនេះភ្នាក់ងារយើងមិនអាចសុំការបកស្រាយពន្យល់ពីលោក ម៉ៅ ធនារក្ស ប្រធានមន្ទីរសាធារណៈការនិងដឹកជញ្ជូនខេត្តបានទេនៅថ្ងៃនេះ៕ (ព័ត៌មានបឋម)
សេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net