ព័ត៌មានពីភ្នំពេញ
ចេញផ្សាយអង្គារ០៤រោច ខែចេត្រ ឆ្នាំ កុរ ឯកស័ក ព.ស.២៥៦២ ត្រូវនឹងថ្ងៃទី ២៣ខែ មេសា ឆ្នាំ២០១៩
ម្តាយស្ត្រីរងគ្រោះបានប្រាប់សារព័ត៌មានក្នុងស្រុកថា កូនស្រីរបស់គាត់ឈ្មោះ ឡៃ សូភី អាយុ៤០ជាង ហើយកូនស្រីគាត់មានទំនាក់ទំនងស្នេហាជាមួយលោក សួន បវរ តាំងពីលោកមិនទាន់ឡើងកាន់តំណែងជាអភិបាលខេត្តបន្ទាយមាជ័យមកម្ល៉េះ។
លោក សួន បវរ ដែលមាននាទីជាអភិបាល នៃគណៈអភិបាលខេត្តបន្ទាយមានជ័យបានរងការចោទប្រកាន់ថា មានទំនាក់ទំនងស្នេហាក្រៅផ្លូវការ និងធ្វើឲ្យស្ត្រីជាគូស្នេហ៍ម្នាក់ត្រូវបញ្ជូនទៅសង្គ្រោះបន្ទាន់នៅមន្ត្រីពេទ្យកាលម៉ែតបន្ទាប់ពីនាងខកចិត្តឈឺចិត្តត្បិតចាញ់បោកប្រុសព្រានកាលពីយប់ថ្ងៃទី១៨ ខែមេសា ឆ្នាំ២០១៩ថ្មីៗនេះ។
ម្ដាយស្ត្រីរងគ្រោះ និយាយរៀបរាប់ទាំងទឹកភ្នែកបន្តថា រូបគាត់សព្វថ្ងៃនេះ គឺរស់នៅដោយសារកូនស្រីរកស៊ីចិញ្ចឹមបើអត់ពីកូនស្រីគាត់តើឲ្យគាត់ទីពឹងអ្វីឥឡូវនេះកូនស្រីរបស់គាត់កំពុងប្រឈមុខនឹងគ្រោះថ្នាក់ទៀត ព្រោះរយៈពេល២ថ្ងៃហើយដែលកូនស្រីរបស់គាត់ដេកក្នុងមន្ទីរពេទ្យមិនទាន់ដឹងខ្លួននៅឡើយ។
បើតាមស្ត្រីជាម្ដាយបានបញ្ជាក់ពីមូលហេតុដែលនាំឲ្យកូនស្រីរបស់គាត់កំពុងទទួលការសង្គ្រោះអាយុជីវិតនោះ ដោយសារនាងលេបថ្នាំសម្លាប់ខ្លួនព្រោះលោក សួន បវរមិនព្រមចេញមុខទទួលខុសត្រូវចំពោះកូនស្រី ធ្វើឲ្យនាងមិនអាចទ្រាំទ្រចំពោះការឈឺចាប់ ដែលលោក សួន បវរ កុហសបោកចិត្តយកខ្លួនប្រាណកូនស្រី(ស៊ីឆ្អែតមិនទទួលខុសត្រូវ)។
មុនពេលស្ត្រីឈ្មោះ ឡៃ សូភី ជាស្រីស្នេហ៍លោក សួន បវរ លេបថ្នាំសម្លាប់ខ្លួនោះគាត់បានទូរស័ព្ទប្រាប់សារព័ត៌មានទាំងទឹកភ្នែកថា នាងបានទិញថ្នាំចំនួន៦០គ្រាប់សម្រាប់លេបសម្លាប់ខ្លួន នាងមិនចង់រស់ទៀតទេដោយសារជីវិតរបស់នាង រស់នគ្មានន័យ ជាមួយគ្នាថ្មីៗនេះនាង ឡៃ សូភី ក៏បានបង្ហោះសារទម្លាយរឿងឈឺចាប់ក្នុងចិត្តជាច្រើនជុំវិញទំនាក់ទំនងស្នេហាលួចលាក់ជាមួយលោកសួន បវរអភិបាលខេត្តបន្ទាយមានជ័យធ្វើឲ្យមានចាប់អារម្មណ៍យ៉ាងខ្លាំងពេញបណ្ដាញសង្គមហ្វេសប៊ុក។
ហើយសារចុងក្រោយនាងបានសរសេរយ៉ាងដូច្នេះថា “ខ្ញុំសុំលាអ្នកទាំងអស់គ្នារហូតហើយ ប្រហែលជាខ្ញុំស្លាប់ ខ្ញុំលាអ្នកទាំងអស់គ្នាហើយ លាទាំងអាល័យកុំអភ័ព្វដូចជាតិនេះ”។ ហើយរហូតដល់ថ្ងៃទី១៨ ខែមេសា ជាថ្ងៃនាងលេបថ្នាំសម្លាប់ខ្លួន នាងបានសរសេរលើគណនីហ្វេសប៊ុកផ្ទាល់ខ្លួនឈ្មោះ So Phy ថា “ខ្ញុំលាហើយមិត្តទាំងអស់គ្នាលាទាំងអាល័យ គ្មានថ្ងៃវិលវិញ”។
ជុំវិញរឿងរ៉ាវស្នេហាលួចលាក់រវាងអភិបាលខេត្តបន្ទាយមានជ័យ និងស្ត្រីឈ្មោះ ឡៃ សូភី ខាងលើនេះ សារព័ត៌មានមិនអាចទំនាក់ទំនងសុំការពន្យល់បានឡើយ ។ យ៉ាងណាបើតាមការបញ្ជាក់ពីម្ដាយស្ត្រីរងគ្រោះទោះបីលោកអភិបាលប្រកែកមិនទទួលខុសត្រូវប៉ុន្តែរូបគាត់បានដឹងហើយកូនស្រីរបស់គាត់ក៏បាននិងកំពុងស្ថិតក្នុងស្ថានភាពធ្ងន់ធ្ងរសង្គ្រោះបន្ទាន់នៅឡើយ នៅក្នុងមន្ទីរពេទ្យកាល់ម៉ែត៕
(សូមតាមដានបន្តទៀតតេីរឿងនេះទៅដល់ណាទៀត)
ធ្វេីសេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net