ព័ត៌មានពីខេត្តរតនគិរី
ចេញផ្សាយច័ន្ទ០៣រោច ខែចេត្រ ឆ្នាំ កុរ ឯកស័ក ព.ស.២៥៦២ ត្រូវនឹងថ្ងៃទី ២២ខែ មេសា ឆ្នាំ២០១៩
អ្វីដែលប្រជាពលរដ្ឋយើងកំពុងរង់មើលថាតេីវាសនាជនជាតិវៀតណាមទាំង១២នាក់ដែលបានប្រព្រឹត្តបទល្មើសលួចឆ្លងដែនចូលមកឈូសឆាយកាន់កាប់ដីឧទ្យានជាតិវិរៈជ័យដោយខុសច្បាប់កាលពីថ្ងៃទី១៦ ខែមេសា ឆ្នាំ២០១៩ថ្មីៗនេះវាទៅជាយ៉ាងណានោះពេលនេះត្រូវបានលោក ឡេង វណ្ណរិទ្ធ ចៅក្រមស៊ើបសួរ នៃសាលាដំបូងខេត្តរតនគិរី កាលពីព្រឹកថ្ងៃទី២១ ខែមេសា ឆ្នាំ២០១៩បានសម្រេចចេញដីកាបង្គាប់ឲ្យឃុំខ្លួនជាបណ្តោះអាសន្នបុរសជនជាតិវៀតណាមទាំង១២នាក់ នៅពន្ធនាគារខេត្តរតនគិរីហើយ។
បើតាមលោក អ៊ុក គឹមជុន ប្រធានពន្ធនាគារខេត្តរតនគិរីលោកបានបង្ហើបឲ្យអង្គភាពគេហទំព័រ”ខ្មែរអច្ឆរិយ:”យើងដឹងថា ជនល្មើសវៀតណាមទាំង១២នាក់ត្រូវបានតុលាការចោទប្រកាន់ជនត្រូវចោទទាំងនោះ ពីបទឆ្លងដែន និងយកគ្រឿងចក្រចូលឈូសឆាយដីគ្រប់គ្រងនៅក្នុងបរិវេណក្រុមហ៊ុននុភាពសុភីតំបន់អូរតាយ៉ាក ឧទ្យានជាតិវីរៈជ័យ រតនគិរី ឃុំតាវែងលើ ស្រុកតាវែង ខេត្តរតនគិរី ធ្វើកម្មសិទ្ធិដោយខុសច្បាប់ ។
សូមបញ្ជាក់ថា កាលពីថ្ងៃទី១៦ ខែមេសា ឆ្នាំ២០១៩ថ្មីៗនេះកម្លាំងចម្រុះដឹកនាំដោយលោកឧត្តមសេនីយ៍ត្រី ថាវ យេន មេបញ្ជាការកងរាជអាវុធហត្ថខេត្តរតនៈគិរី បានធ្វើការចាប់និងបង្ក្រាបបានមនុស្សនិងគ្រឿងចក្រ ហើយបានប្រគល់ជនជាតិវៀតណាមចំនួន១២នាក់ឲ្យទៅខាងជំនាញនគរបាលអន្តោរប្រវេសន៍ នៃស្នងការដ្ឋាននគរបាលខេត្តរតនគិរីចាត់ការតាមនីតិវិធីច្បាប់។
ដោយឡែកគ្រឿងចក្រចំនួន៦គ្រឿងខាងកម្លាំងកងរាជអាវុធហត្ថសហការជាមួយមន្ទីរកសិកម្មរុក្ខាប្រម៉ាញ់ និងនេសាទខេត្តរតន:គិរីបានកំពុងតែគ្រប់គ្រងនៅក្នុងបរិវេណក្រុមហ៊ុននុភាពសុភីតំបន់អូរតាយ៉ាក ឆ្លងដែន និងយកគ្រឿងចក្រចូលឈូសឆាយដីធ្វើកម្មសិទ្ធិដោយខុសច្បាប់ ។
បើតាមការបញ្ជាក់ពីសមត្ថកិច្ចបានឲ្យដឹងថា ជនជាតិវៀតណាមទាំង១២នាក់នេះនិងគ្រឿងចក្រ ចំនួន៦គ្រឿងគឺចូលមកដោយខុសច្បាប់តាមច្រកព្រៃបង្គោលការពារព្រំដែនលេខ១៤ក្នុងភូមិសាស្ត្រប៉ុស្តិ៍នគរបាលការពារព្រំដែនគោកលេខ៥០៥ (ប៉ុស្តិ៍ ភូមិចង)ខេត្តរតនគិរី ជាប់ព្រំប្រទល់ជាមួយនឹងប៉ុស្តិ៍ការពារព្រំដែន៧១១ស្រុកម៉រៃ ខេត្តកន្ទូម ប្រទេសវៀតណាម។ តាមរយៈឈ្មោះ សេក វៈរៈ ប្រធានក្រុមហ៊ុននុភាពសុភី និងជនជាតិវៀតណាមឈ្មោះ VO NGU YEVSA កាន់អត្តសញ្ញាណប័ណ្ណលេខ 2331 24 234 ។
ជាចុងក្រោយនេះប្រជាពលរដ្ឋយើងបាននាំគ្នារង់ចាំមើលវាសនាមន្ត្រីគ្រាប់ល្ពៅមួយចំនួនទៅជាយ៉ាងណាដែរ ក្រោយពីដាក់គុកជនជាតិវៀតណាមអស់ហើយ ពួកគេបានសំនូមពរទៅអង្គភាពប្រឆាំងអំពើពុករលួយឯកឧត្ដម ឱម យិនទៀង គួរតែបើកការស៊ើបអង្កេតទៅលើមន្ត្រីនគបាលវិរះការពារព្រំដែននិងអង្គភាពកងទ័ពការពារព្រំដែនអោយបានស៊ីជុំរៅ ជុំវិញករណីបើកដៃឲ្យជនជាតិវៀតណាមឆ្លងដែន និងយកគ្រឿងចក្រចូលឈូសឆាយដីនៅក្នុងបរិវេណក្រុមហ៊ុននុភាពសុភីតំបន់អូរតាយ៉ាក ឧទ្យានជាតិវីរៈជ័យ រតនគិរី ឃុំតាវែងលើ ស្រុកតាវែង ខេត្តរតនគិរី ធ្វើកម្មសិទ្ធិដោយខុសច្បាប់ដេីម្បីយកមកផ្ដន្ទាទោសតាមច្បាប់។
ធ្វេីសេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net