ព័ត៌មានពីខេត្តកំពង់ធំ
ចេញផ្សាយច័ន្ទ០៣រោច ខែចេត្រ ឆ្នាំ កុរ ឯកស័ក ព.ស.២៥៦២ ត្រូវនឹងថ្ងៃទី ២២ខែ មេសា ឆ្នាំ២០១៩
រថយន្តដឹកអ្នកដំណើររបស់ក្រុមហ៊ុនវីរៈប៊ុនថាំ បុកម៉ូតូរ៉ឺម៉កបណ្ដាលឲ្យមនុស្សស្លាប់២នាក់ និងរងរបួសធ្ងន់៣នាក់នៅលើកំណាត់ផ្លូវជាតិលេខ៦ ត្រង់ចំណុចកុមារកំព្រា ភូមិជ័យជំនះ ឃុំកកោះ ស្រុកសន្ទុក ខេត្តកំពង់ធំ កាលពីវេលាម៉ោង០៨ៈ៤០នាទី ព្រឹកថ្ងៃទី២០ ខែមេសា ឆ្នាំ២០១៩។
មន្ត្រីនគរបាលស្រុកសន្ទុកបានឲ្យដឹងថា ម៉ូតូរ៉ឺម៉ក ពណ៌បៃតងគ្មានស្លាកលេខបើកពីត្បូងទៅជើងបើកដោយឈ្មោះ លី លៀម ភេទប្រុស អាយុ២៦ឆ្នាំ នៅភូមិត្នោត ឃុំសៀងក្វៀង ស្រុកកំចាយមា ខេត្តព្រៃវែង មានពាក់មួកសុវត្ថិភាព មុខរបរលក់ដូរ (របួសធ្ងន់)។
អ្នករួមដំណើររួមមាន
១.ឈ្មោះ គីម រិន ភេទស្រី អាយុ២៨ឆ្នាំ (ស្លាប់) នៅពេទ្យ៥១៥
២.ឈ្មោះ នាថ ធារ៉ា ស្រី អាយុ៥ឆ្នាំ (ស្លាប់)នៅពេទ្យកំពង់ធំ
៣.ឈ្មោះ លី សា ភេទស្រី អាយុ១ឆ្នាំ (របួសធ្ងន់) បញ្ជូនទៅពេទ្យគន្ធាកបុប្ផាសៀមរាប
៤.ឈ្មោះ លី ចាន់នេត ភេទស្រី អាយុ២៤ឆ្នាំ (របួសធ្ងន់) បញ្ជូនទៅពេទ្យ៥១៥។
មន្ត្រីនគរបាលដដែលបន្តថារថយន្តបង្កម៉ាកToyotahaiyas ពណ៌ស ពាក់ស្លាកលេខ ភ្នំពេញ 2AF-4217 បើកពីជើងទៅត្បូងបើកដោយជនមិនស្គាល់អត្តសញាណ (រត់គេច) ។ ក្រោយពេលកើតហេតុសមត្ថកិច្ចចុះធ្វើការវាស់វែងយកវត្ថុតាងទៅរក្សាទុកនៅអធិការដ្ឋាននគរបាលស្រុកដើម្បីរងចាំការដោះស្រាយតាមនីតិវិធី ចំណែកសពត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
ធ្វើសេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net