ព័ត៌មានពីខេត្តមណ្ឌលគិរី ស្រុកកោះញែក
ចេញផ្សាយថ្ងៃអាទិត្យ០២រោច ខែចេត្រ ឆ្នាំកុរ ឯកសក័ព.ស.២៥៦៣ត្រូវនិងថ្ងៃទី២១ ខែមេសាឆ្នាំ២០១៩!
សមត្ថកិច្ចចាប់ខ្លួនថៅកែឈើជនជាតិយួន០២នាក់នឹងខ្មែរ០១នាក់ខណៈកំពុងធ្វើសកម្មភាពប្រមូលទិញឈើក្នុងដែនជម្រកការពារសត្វព្រៃភ្នំព្រេចយ៉ាងអនាធិបតេយ្យ ប្រភពបានឲ្យអង្គភាពគេហទំព័រ”ខ្មែរអច្ឆរិយ:”ដឹងថា នៅរសៀលថ្ងៃទី១៩ ខែមេសា ភូមិក្តោយ ឃុំរយ៉ ស្រុកកោះញែក ខេត្តមណ្ឌលគិរី សមត្ថកិច្ចជំនាញមានមេព្រៃ បរិស្ថាន និងនគរបាល បានចាប់ជនជាតិវៀតណាមចំនួន០២នាក់និងខ្មែរ០១នាក់ពេលក្រុមនេះកំពុងធ្វើសកម្មភាពទិញឈើក្នុងព្រៃដែនជម្រកការពារសត្វព្រៃភ្នំព្រេច លំផាត់។
ប្រភពនេះបានបន្តទៀតថា ក្រុមឈ្មួញទាំងនេះជាអ្នកឈរទិញឈើដែលប្រជាពលពលរដ្ឋកាប់ចេញពីតំបន់ព្រៃកាពារនានាក្នុងស្រុកកោះញែកនិងទុកលក់ឲ្យក្រុមហ៊ុនសម្បទានសេដ្ឋកិច្ចដែលនៅក្បែរនោះដើម្បីបន្លំជាមួយឈើស្របច្បាប់ តាមរបៀបកន្ទេលធំបន្លំដេក។ជនសង្ស័យទាំងបីនាក់ត្រូវបានបញ្ជូនទៅស្នងការដ្ឋាននគរបាលខេត្តមណ្ឌលគិរីរង់ចាំការសាកសួរ។
ជនសង្ស័យទី១ឈ្មោះ គឹម តុងហេង ភេទប្រុស អាយុ៣៥ ឆ្នាំ។
ទី២ ឈ្មោះ វៀង ង៉ុកចូវ ភេទប្រុស អាយុ៦០ឆ្នាំ
និងទី៣ឈ្មោះ ថាត់ យូ ភេទប្រុស អាយុ៤២ឆ្នាំ ។ដោយឡែកឈើចំនួនជាង៦០០កំណាត់ដែលរឹបអូសកំពុងស្ថិតក្រោមចំណាត់ការរបស់មន្ទីរបរិស្ថាន។
ជុំវិញករណីខាងលើនេះប្រភពក្រៅផ្លូវការបាននិយាយថា បើគ្មានការបើកដៃពីមន្ត្រីនៅតំបន់នោះ ក៏គ្មានការប្រព្រឹត្តបទល្មើសទ្រង់ទ្រាយធំបែបនេះដែរ។ហើយតំបន់នេះស្ថិតក្រោមការគ្រប់គ្រងរបស់លោក ហ៊ាន សាខន ដែលជានាយកដែនជម្រកការពារសត្វព្រៃភ្នំព្រេច-លំផាត់ ៕
សេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress