ព័ត៌មានពីខេត្តបាត់ដំបង ស្រុកសំពៅលូន
ចេញផ្សាយថ្ងៃអាទិត្យ០២រោច ខែចេត្រ ឆ្នាំកុរ ឯកសក័ព.ស.២៥៦៣ត្រូវនិងថ្ងៃទី២១ ខែមេសាឆ្នាំ២០១៩!
វេលាម៉ោងប្រហែល១៥និង០០នាទីថ្ងៃសៅរ៍០១រោច ខែចេត្រ ឆ្នាំកុរ ឯកសក័ព.ស.២៥៦៣ត្រូវនិងថ្ងៃទី២០ ខែមេសា ឆ្នាំ២០១៩ នៅក្នុងព្រៃដីថៃចំណុចកងទាហានថៃ០៨ចម្ងាយប្រមាណ១២០ម៉ែត្រពីមាត់អូរព្រំដែនកម្ពុជា ថៃមានក្មេងដើរបាញ់សត្វបានប្រទះឃើញសាកសពដេកស្លាប់ក្នុងព្រៃក៍បានរត់មករាយការណ៍ជូនកម្លាំងនគបាលប៉ុស្តិ៍រដ្ឋបាលសិរីមានជ័យ។
ក្រោយពីសមត្ថកិច្ចបានទទួលសេចក្តីរាយការណ៍ភ្លាមនោះបានចុះសហការណ៍ជាមួយសមត្ថកិច្ចថៃនិងក្រុមបច្ចេកទេសស្រុកខ្លងហាត ខេត្តស្រះកែវ ប្រទេសថៃ។ ដេីម្បីធ្វើកោសល្យវិច្ច័យពិនិត្យទៅលើសាកសពដែលមាន ឈ្មោះ ខួច លន ភេទប្រុស អាយុ៤៣ឆ្នាំមានទីលំនៅភូមិស្រឡៅជ្រុំ ឃំុសិរីមានជ័យ ស្រុកសំពៅលូន ខេត្តបាត់ដំបង មុខរបរធ្វើចំការ។
ក្រោយពីការពិនិត្យរួច ក្រុមតម្រួតនិងបច្ចេសខាងភាគីថៃបានដឹកយកសាកសពឈ្មោះខួច លន យកទៅធ្វើកោសល្យវិច័យនៅប្រទេសថៃនិងអោយសាច់ញាតិទៅជាមួយផងដែរ។ (ព័ត៍មានបឋម)
សេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net
