ព័ត៌មានកសិកម្ម
ចេញផ្សាយថ្ងៃសៅរ៍០១រោជ ខែចេត្រ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២០ ខែមេសា ឆ្នាំ២០១៩។
ប្រហែលជាប៉ុន្មានម៉ោងមុននេះនាថ្ងៃទី១៩ ខែមេសា ឆ្នាំ២០១៩ ឧកញ៉ា ម៉ុង ឫទ្ធី បានបង្ហោះរូបជាច្រើនសន្លឹកព្រមទាំងបញ្ជាក់ពីភាពជោគជ័យមួយនៃការដាំផ្លែត្រសក់ផ្អែមសាកល្បងសារជាថ្មីម្តងទៀតដែលទទួលបានផលជិត១ម៉ឺនផ្លែឯណោះ។ ឧកញ៉ា ម៉ុង ឫទ្ធី ក៏បានបញ្ជាក់ប្រាប់ឲ្យដឹងទៀតថា ភរិយាខ្ញុំគាត់នៅមិនស្មៀមទេបើទោះបីជាលោកគ្រូពេទ្យហាមឃាត់មិនអោយធ្វើការអីក៏ដោយ ជារាងរាល់ថ្ងៃគាត់តែងតែដឹកនាំកូនចៅធ្វើនេះធ្វើនោះជាប្រចាំ រីឯចំណែកខ្ញុំវិញក៏មិនចេះដេកនៅស្ងៀមដែរហេតុតែនិស្ស័យចង់តែ ប្រកបមុខអាជីវកម្មកសិកម្មចេះតែដាំនិងចិញ្ចឹមសត្វ។
ជាក់ស្តែង វេលាម៉ោង៨ព្រឹកថ្ងៃសុក្រ ទី១៩ ខែមេសា នេះ ខ្ញុំបានចុះមកពិនិត្យមើលការដាំត្រសក់ផ្អែមសាកល្បងសារជាថ្មីម្ដងទៀតដែលទទួលបានជោគជ័យគួរជាទីមោទនៈបំផុត នៅលើផ្ទៃដីដែលមិនធ្លាប់បានប្រើប្រាស់សោះតាំងពីបូរាណមកដាំនៅលើផ្ទៃដីប្រមាណជាបីពាន់ម៉ែត្រការ៉េតាមរបៀបសាមញ្ញបំផុត អាចទទួលបានផលជិតមួយម៉ឺនផ្លែ អាចស្មើនិងម្ភៃតោន៕
សេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net