ព័ត៌មានពីខេត្តរតនគិរី
ចេញផ្សាយថ្ងៃសៅរ៍០១រោជ ខែចេត្រ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២០ ខែមេសា ឆ្នាំ២០១៩។
នៅរសៀលថ្ងៃទី១៩ ខែមេសា ឆ្នាំ២០១៩នេះកម្លាំងនគរបាលអន្តោប្រវេសន៍ នៃស្នងការដ្ឋាននគរបាលខេត្តរតនគីរីបានបញ្ជួនខ្លួនជនជាតិវៀតណាមចំនួន ១២នាក់ទៅតុលាការខេត្តរតនគិរីដើម្បីចំណាត់ការបន្ត ពាក់ព័ន្ធនាំគ្រឿងចក្រចំនួន០៦គ្រឿងឆ្លងដែនពីប្រទេសវៀតណាមដោយខុសច្បាប់ចូលទឹកដីកម្ពុជា។
សូមរំលឹកថា កាលពីថ្ងៃទី១៦ខែមេសា ឆ្នាំ២០១៩ កម្លាំងគណៈបញ្ជាការឯកភាពខេត្តរតនគិរីក្រោមការបញ្ជាផ្ទាល់ពី លោក ថង សាវុន និងនាយឧត្តមសេនីយ៍ សៅ សុខា អគ្គមេបញ្ជាការរង និងជាមេបញ្ជាការកងរាជអាវុធហត្ថលើផ្ទៃប្រទេសនោះ លោកឧត្តមសេនីយ៍ត្រី ថាវ យ៉េន មេបញ្ជាការ អាវុធហត្ថខេត្តរតនគិរី បានធ្វើការឃាត់ខ្លួនជនជាតិវៀតណាមចំនួន១២នាក់ និងគ្រឿងចក្រ០៦គ្រឿងនៅក្រុមហ៊ុននុភាពសុភី។
ក្រោយពីការឃាត់ខ្លួនកម្លាំងកងរាជអាវុធហត្ថបានប្រគល់ ជនជាតិវៀតណាមចំនួន១២នាក់ឲ្យទៅខាង នគរបាលអន្តោប្រវេសន៍ នៃស្នងការដ្ឋាននគរបាលខេត្តរតនគិរីចាត់ការតាមនីតិវិធីដោយឡែគ្រឿងចក្រចំនួន០៦គ្រឿងត្រូវបានកម្លាំងកងរាជអាវុធហត្ថសហការជាមួយមន្ទីរកសិកម្មរុក្ខាប្រមាញ់ និងនេសាទខេត្តរតនគិរីបានកំពុងតែបានគ្រប់គ្រងនៅក្នុងបរិវេណក្រុមហ៊ុននុភាពសុភីតំបន់អូរតាយ៉ាក ឧទ្យានជាតិវីរៈជ័យ រតនគិរី ឃុំតាវែងលើ ស្រុកតាវែង ខេត្តរតនគិរី។
បេីតាមការបញ្ជាក់ពីសមត្ថកិច្ចជនជាតិវៀតណាមទាំង ១២នាក់នេះនិងគ្រឿងចក្រចំនួន០៦គ្រឿងគឺចូលមកដោយខុសច្បាប់តាមច្រកព្រៃបង្គោលការពារព្រំដែន លេខ១៤ក្នុងភូមិសាស្ត្រប៉ុស្តិ៍នគរបាលការពារព្រំដែនគោកលេខ ឲ៥០៥(ប៉ុស្តិ៍ភូមិចង)ខេត្តរតនគិរីជាប់ព្រំប្រទល់ជាមួយនឹងប៉ុស្តិ៍ការពារព្រំដែន៧១១ស្រុកម៉រៃខេត្តកន្ទូមប្រទេសវៀតណាម តាមរយៈឈ្មោះ សេក វិរៈតំណាងឲ្យក្រុមហ៊ុននុភាពសុភី និងវៀតណាមឈ្មោះ VO NGU YEVSA កាន់អត្តសញ្ញាណប័ណ្ណលេខ ២៣៣១២៤២៣៤។
តាមព័ត៌មានដែលទទួលបានករណីខាងលើនេះមានការសង្ស័យថាមានអ្នករត់ការអន្តរាគមន៍ដើម្បីជួយសម្រួលដោះលែងចង់ឲ្យពួកគេក្រៅសំណាញ់ច្បាប់ផងដែរតែពេលនេះច្បាប់មិនត្រូវបានលើកលែងទោសដូចអ្វីដែលពួកគេគិតនោះឡើយ ហើយបើតាមប្រភពមួយផ្សេងទៀតបានលើកឡើងថា អាចមានការឃុបឃិតរួមគំនិតគ្នា ពីមន្ត្រីនគរបាលវិរះការពារព្រំដែននឹងអង្គភាពកងទ័ពការពារព្រំដែនគោកខាងលើនោះយ៉ាងពេញបន្ទុក។
សេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net
