បាត់ដំបង ៖ ថ្ងៃទី១៩.កក្កដា.ឆ្នាំ២០១៨ កម្លាំងនគបាលរបស់ស្នងការដ្ឋានខេត្តបាត់ដំបងសហការជាមួយកម្លាំងនគបាលនៃនាយកដ្ឋានព្រហ្មទណ្ឌកំរិតធ្ងន់នៃស្នងការដ្ឋានរាជធានីភ្នំពេញ ធ្វើការស្រាវជ្រាវចាប់ខ្លួនជនសង្សយ័ បាននៅភូមិបួនជួរ ឃុំស្នឹង ស្រុកបាណន់ ខេត្តបាត់ដំបង ស្នងការរងខេត្តបាត់ដំបង លោកឧត្តមសេនីយ៍ត្រី ជេត វណ្ណនីបានឲ្យដឹងថា ជនសង្ស័យឈ្មោះ ហ៊ាន រិទ្ធី ភេទប្រុស អាយុ២៨ឆ្នាំ រស់នៅភូមិព្រៃទា១ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ បានសម្លាប់ប្រពន្ធកាលពីថ្ងៃទី៨ ខែកក្កដា ឆ្នាំ២០១៨ នៅភូមិសង្កាត់ ដែលខ្លួនជនសង្ស័យរស់នៅ ហើយបានរត់ទៅលាក់ខ្លួននៅភូមិបួនជួរ ឃុំស្នឹង ស្រុកបាណន់ ខេត្តបាត់ដំបង ត្រូវបានសមត្ថកិច្ចស្រាវជ្រាវតាមចាប់ខ្លួនបានហើយ។
បច្ចុប្បន្ន ជនសង្ស័យត្រូវបានសមត្ថកិច្ចនៃស្នងការខេត្តបាត់ដំបងបញ្ជូនមករាជធានីភ្នំពេញ ដើម្បីធ្វើការចាត់វិធានការណ៍បញ្ជូនទៅកាន់តុលាការ ចាត់ការតាមនីតិវិធី៕