ខេត្តត្បូងឃ្មុំ
ចេញផ្សាយថ្ងៃសុក្រ១៥កេីត ខែចេត្រ ឆ្នាំកុរ ឯកស័ក ព.ស ២៥៦៣ត្រូវនឹងថ្ងៃទី១៩ខែមេសាឆ្នាំ២០១៩។
នៅវេលាម៉ោង០៨ និង២៤នាទី ថ្ងៃទី១៩ ខែមេសា ឆ្នាំ២០១៩ មានរថយន្តបែនដឹកដី ០១គ្រឿងបេីកលឿនជាន់ហ្វ្រាំងមិនស៊ីរេចង្កូតបុកម៉ូតូចតនៅលើចិញ្ចើមផ្លូវ និងជ្រុលទៅបុកសំយ៉ាបផ្ទះប្រជាពលរដ្ឋបណ្តាលឲ្យមនុស្សស្លាប់០២នាក់ និងមនុស្ស០៣នាក់ទៀត រងរបួសធ្ងន់នៅលើផ្លូវជាតិលេខ៧ ចន្លោះបង្គោលគីឡូម៉ែត្រ១៥៥-១៥៦ ស្ថិតនៅភូមិត្រពាំងគូរ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ។
ប្រភពពីមន្ត្រីនគរបាលខេត្តត្បូងឃ្មុំ បានឲ្យដឹងថា រថយន្តបង្កម៉ាកហ៊ីយ៉ាន់ដាយបែនដឹកដីពណ៌ស គ្មានស្លាកលេខបើកបរដោយឈ្មោះ ប្រុស លីណា ភេទប្រុស អាយុ៣០ឆ្នាំ ជនជាតិខ្មែរ នៅភូមិពណ្ណរាយ សង្កាត់សួង ក្រុងសួង ខេត្តត្បូងឃ្មុំ គ្មានរបួសពេលមកដល់កន្លែងកើតហេតុបានបុកម៉ូតូចំនួន០៥គ្រឿង រួមមាន
១. ម៉ូតូម៉ាកវ៉េវ ពណ៌ខ្មៅ គ្មានស្លាកលេខឈប់នៅស្ងៀមអង្គុយលើម៉ូតូដោយឈ្មោះ ម៉ៅ ស្លេះ ភេទប្រុស អាយុ២៧ឆ្នាំ ជនជាតិចាម នៅភូមិអង្គរជា ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ របួសធ្ងន់អោបកូននៅពីមុខ ឈ្មោះ ស្លេះ សាហ្វីកា ភេទស្រី អាយុ០៣ឆ្នាំ ជនជាតិចាម នៅភូមិឃុំជាមួយ របួសធ្ងន់
២. ម៉ូតូម៉ាកហុងដាឌ្រីម ពណ៌ក្រហម ពាក់ស្លាកលេខ កំពង់ចាម 1G-0211 បញ្ឈរស្ងៀម
៣. ម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខ ត្បូងឃ្មុំ 1C-1710 បញ្ឈរស្ងៀម
៤. ម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខ ត្បូងឃ្មុំ 1C-4423 បញ្ឈរស្ងៀម
៥. ម៉ូតូម៉ាកយាម៉ាហាស៊ីរុសពណ៌ខ្មៅ គ្មានស្លាកលេខ បញ្ឈរស្ងៀមអង្គុយលើម៉ូតូដោយ ឈ្មោះ ប្រុស សេន ភេទប្រុស អាយុ២៥ឆ្នាំ ជនជាតិខ្មែរ នៅភូមិត្រពាំងដុំ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ ស្លាប់នៅហ្នឹងកន្លែងកើតហេតុអោបកូនឈ្មោះ សេន សិដ្ឋ ភេទប្រុស អាយុ០៣ឆ្នាំ ជនជាតិខ្មែរ នៅភូមិឃុំជាមួយ របួសធ្ងន់និងអ្នកថ្មើរជើងម្នាក់ឈ្មោះ យស់ ប៊ុនថន ភេទស្រី អាយុ៥៤ឆ្នាំ ជនជាតិខ្មែរ នៅភូមិត្រពាំងធំ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ ស្លាប់នៅហ្នឹងកន្លែងកើតហេតុនិងបុកសំយ៉ាបផ្ទះឈ្មោះ សុខ សាផេង ភេទប្រុស អាយុ៤៦ឆ្នាំ ជនជាតិខ្មែរ នៅភូមិត្រពាំងគូរ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ។
ប្រភពដដែលបានបន្តទៀតថា ក្នុងហេតុការណ៍ខាងលើ បណ្តាលឲ្យខូចខាតរថយន្ត ០១គ្រឿងកំរិតស្រាលម៉ូតូ ០៤គ្រឿង កំរិតធ្ងន់និង០១គ្រឿងទៀត កំរិតស្រាលនិងខូចខាតសំយ៉ាបផ្ទះ និងឥវ៉ាន់មួយចំនួន មនុស្សស្លាប់ ០២នាក់ ស្រី០១នាក់របួសធ្ងន់ ០៣នាក់ ស្រី០១នាក់៕
សេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net
