ភ្នំពេញ
ចេញផ្សាយថ្ងៃសុក្រ១៥កេីត ខែចេត្រ ឆ្នាំកុរ ឯកស័ក ព.ស ២៥៦៣ត្រូវនឹងថ្ងៃទី១៩ខែមេសាឆ្នាំ២០១៩។
រថភ្លើងចំនួន៤ទូ ដែលរាជរដ្ឋាភិបាលថៃ បានឱ្យកម្ពុជានោះ បាននាំមកដល់ស្ថានីយរថភ្លើងនៅក្រុងប៉ោយប៉ែតហើយនៅថ្ងៃទី១៩ ខែមេសា ឆ្នាំ២០១៩នេះរថភ្លើងទាំង៤ទូនេះ នាយករដ្ឋមន្ត្រីថៃ លោក ប្រាយុទ្ធ ចាន់អូចា នឹងប្រគល់ដោយផ្ទាល់ដៃជូនសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជានៅថ្ងៃទី២២ ខែមេសា សប្តាហ៍ក្រោយនេះ។ បន្ទាប់មកសម្តេចតេជោ និងលោក ប្រាយុទ្ធ នឹងជិះរថភ្លើងរួមគ្នាឆ្លងកាត់ព្រំដែនប្រទេសទាំងពីរ ដើម្បីជានិមិត្តរូបនៃការបើកដំណើរការផ្លូវដែករវាងប្រទេសទាំងពីរ។
សូមបញ្ជាក់ថា រថភ្លើងដឹកអ្នកដំណើរ DMU (Diesel Multiple Unit) ដែលថៃប្រគល់ជូនកម្ពុជានេះ ផលិតដោយក្រុមហ៊ុន Hitachi របស់ជប៉ុន។ ជាប្រភេទខ្សែរថភ្លើងដឹកអ្នកដំណើរមានចំនួន៤ទូ ដែលក្នុងមួយទូៗដឹកអ្នកដំណើរបាន៨០នាក់ ដែលរថភ្លើងចំនួន៤ទូ និងអាចផ្ទុកអ្នកដំណើរបានប្រមាណជា៣២០នាក់ផងដែរ៕
សេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net