ភ្នំពេញ ៖ បុរសជនជាតិកូរ៉េ២នាក់ ចេញពីណាហ្គា បានហៅរថយន្តតាក់ស៊ីជិះទៅខាំកូស៊ីធី ខណៈអ្នកបើកបរមិនបើកតាមផ្លូវដែលខ្លួនប្រាប់ បើកតាមផ្លូវផ្សេងតែទៅគោលដៅតែមួយ ទើបបានបង្ករជាជម្លោះជនជាតិកូរ៉េចុះពីរថយន្តមកបើកទ្វារក្របួចកអាវអ្នកបើកបរតាកស៊ីព្រួតគ្នាវាយបណ្តាលអោយហើមនិងប៉ោងភ្នែកខាងស្តាំយ៉ាងធ្ងន់ធ្ងរ ។
ហេតុការវាយតប់គ្នានេះកើតឡើងនៅវេលាម៉ោង១១និង៥០នាទីយប់ថ្ងៃទី៣១ មិនា ២០១៧ នៅចំណុចមុខប៉េអឹមខណ្ឌដូនពេញ ផ្លូវសុរាម្រិត ស្ថិតក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ ។
តាមសម្តីរបស់ជនរងគ្រោះឈ្មោះ វង្ស បូរិន មុខរបរបើកបរតាក់ស៊ី ក្រុមហ៊ុនតាក់ស៊ីក្រុហម ស្នាក់នៅម្តុំសន្សំកុសល សង្កាត់បឹងទំពន់ ខណ្ឌមានជ័យ ។
បានឲដឹងថា នៅមុនពេលកើតហេតុជនជាតិកូរ៉េ(ជនបង្ករ)ទាំង២នាក់ចេញពីណាហ្គា រួចបានហៅតាក់ស៊ីរបស់គាត់ជិះទៅខាំកូស៊ីធី ខណៈជិះមកដល់មុខប៉េអឹមខណ្ឌដូនពេញ ជនជាតិកូរ៉េទាំង២នាក់បានសួរថា គាត់ថាបើកទៅណា គាត់តបទៅវិញថាទៅខាំកូស៊ីធី ជនជាតិកូរ៉េទាំងនោះថា មិនមែនផ្លូវនឹងទេ គាត់បានតបទៅទៀតថា ទៅតាមផ្លូវនឹងក៏ត្រូវដែរ ។
ជនរងគ្រោះបានបន្តរៀបរាប់ថា ក្រោយមកពួកគេ(ជនជាតិកូរ៉េ)ក៏អោយឈប់រថយន្ត រួចស្ទុះទៅក្របួចក៏អាវព្រួតវាយមកលើរូបគាត់តែម្នាក់ឯងបណ្តាលអោយគាត់ប៉ោងភ្នែកនិងមុខខាងស្តាំធ្ងន់ធ្ងរ៕ ក្រោយមកក៏មានការភ្ញាក់ផ្អើលដល់ក្រុមអ្នកបើកកាត់ស៊ីក្រុមជនរងគ្រោះមកជួយអន្តរាគមន៍ចាប់វាយវិញរួចអូសមកបុស្តិចតុមុខនៅក្បែរកន្លែងកើតហេតុប្រហែល១០០ម៉ែត្រ ។
ក្រោយពីឃាត់ខ្លួនជនជាតិកូរ៉េទាំង២នាក់ដល់ប៉ុស្តិរួចមក ជនជាតិកូរ៉េទាំង២នាក់នៅតែខ្លាំងដាក់កម្លាំងសមត្ថកិច្ចនិងក្រុមអ្នកបើកតាក់ស៊ី ទើមសមត្ថកិច្ចចាប់វាយខ្នោះ ឃុំខ្លួន កសាងតាមនិតិវិធីហើយអោយជនរងគ្រោះទៅពេទ្យព្យាបាលរបួសសិនន៨ងថតរូបទុកជាភត្តុតាង ចាំមកវិញដាក់ពាក្យបណ្តឹងទារសំណងជាទឹកប្រាក់ពេកក្រោយ៕
