ចេញផ្សាយថ្ងៃព្រហស្បត៍ ១៤ កើត ខែចេត្រ ឆ្នាំកុរ ឯកស័ក ព.ស ២៥៦៣ត្រូវនឹងថ្ងៃទី១៨ខែមេសាឆ្នាំ២០១៩។
កាលពីវេលាម៉ោង ៧ព្រឹក ថ្ងៃទី១៨ ខែមេសា ឆ្នាំ២០១៩ នៅចំណុចបឹងកិច្ច ភូមិព្រែកល្វា ឃុំតាកូវ ស្រុកខ្សាច់កណ្តាល មានការផ្អើលឆោឡោមានករណីមនុស្សស្លាប់ដោយសារឆក់ត្រីមិនប្រយ័ត្នឆក់ខ្លួនឯង ។
តាមប្រភពពីរប្រជាពលរដ្ឋនៅនិងកន្លែងកើតហេតុបានឲ្យដឹងថាសពដែលស្លាប់នោះមានឈ្មោះ អឿន ចាន់ថន អាយុ៣៤ឆ្នាំ ស្ថិតនៅភូមិព្រែកល្វា ឃុំតាកូវ ស្រុកខ្សាច់កណ្តាល ខេត្តកណ្ដាល។
តាមប្រភពដដែលបានបន្តទៀតថាមុនពេលកើតហេតុគេឃើញបុរសខាងលើតែងតែយកម៉ាស៊ីនឆក់ត្រីមកធ្វើម្ហូប យកមកចិញ្ចឹមជីវិតដូចសព្វដង លើកនេះ ឆក់ខ្លួនឯងស្លាប់ តែម្ដង ក្រោយពេលកើតហេតុកម្លាំងសមត្ថកិច្ចនៅមូលដ្ឋានបានពិនិត្យសាកសពខាងលើពិតជាស្លាប់ដោយសារម៉ាស៊ីនឆក់ត្រីពិតប្រាកដមែនរួចបានប្រគល់សពជូនទៅក្រុមគ្រួសារដើម្បីធ្វើបុណ្យតាមប្រពៃណី៕
សេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net
