រាជធានីភ្នំពេញ
ចេញផ្សាយថ្ងៃព្រហស្បត៍១៤កើត ខែចេត្រ ឆ្នាំច សំរឹទ្ធិស័ក ព.ស ២៥៦៣ត្រូវនឹងថ្ងៃទី១៨ខែមេសាឆ្នាំ២០១៩ ។
កម្លាំងកងរាជអាវុធហត្ថរាជធានីភ្នំពេញក្រោកពីព្រលឹមបោសសំអាតក្នុងបរិវេណទីបញ្ជាការរួសរាន់ងូតទឹក ស្លៀកពាក់ រង់ចាំទទួលបទបញ្ជា ចេញបេសកកម្ម ការពារ សន្តិសុខ សណ្តាប់ធ្នាប់ សុវត្ថិភាព ជូនបងប្អូនប្រជាពលរដ្ឋ ក្នុងឱកាសបុណ្យចូលឆ្នាំថ្មីប្រពៃណីជាតិតាមភូមិសាស្ត្រ ក្នុងរាជធានីភ្នំពេញ ។ ដោយឡែកកម្លាំងមូលដ្ឋានអាវុធហត្ថខណ្ឌព្រែកព្នៅ លោកមេបញ្ជាការបាននិមន្តព្រះសង្ឃមកប្រោះព្រំលើករាសីដល់នាយ នាយរងអាវុធហត្ថទាំងអស់។
ក្រៅពីបេសកកម្មការងាររបស់កម្លាំងក្នុងទីបញ្ជាការ កម្លាំងមូលដ្ឋានអាវុធហត្ថខណ្ឌទាំង១២ នៃរាជធានីភ្នំពេញ ក៏បានបន្តចេញល្បាត ការពារ សន្តិសុខ សុវត្ថិភាព ជូនបងប្អូនប្រជាពលរដ្ឋ ទាំងនៅលើដងផ្លូវ និងទាំងកំពុងសម្រាន្តលង់លក់ក្នុងគេហដ្ឋាន តាមភូមិសាស្ត្រខណ្ឌរៀងៗខ្លួននាពេលរាត្រី ដោយពុំខ្លាចភាពនឿយហត់ឡើយ ។
សេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net
