ខេត្តរតនគិរី ស្រុកតាវែង
ចេញផ្សាយថ្ងៃព្រហស្បត៍១៤កេីត ខែចេត្រ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៨ខែមេសាឆ្នាំ២០១៩ ។
កម្លាំងគណៈបញ្ជាការឯកភាពខេត្តរតនគិរី ដឹកនាំដោយលោកឧត្តមសេនីយ៍ត្រី ថាវ យ៉េន មេបញ្ជាការកងរាជអាវុធហត្ថខេត្តរតនគិរី បានឃាត់ខ្លួនជនជាតិវៀតណាម១២នាក់ និងគ្រឿងចក្រ០៦គ្រឿងនៅក្រុមហ៊ុននុភាពសុភី កាលពីថ្ងៃទី១៦ ខែមេសាឆ្នាំ២០១៩។
លោកឧត្តមសេនីយ៍ត្រី ថាវ យ៉េន បានប្រាប់ឲ្យសារព័ត៌មាននិងគេហទំព័រ”ខ្មែរអច្ឆរិយ:”យេីងដឹងថា តាមបទបញ្ជារបស់លោកនាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស និងលោក ថង សាវុន អភិបាលខេត្ត កម្លាំងរបស់លោកបានចុះឃាត់ខ្លួនជាក់ស្តែងនៅទីតាំងខាងលើតែម្តង។ បច្ចុប្បន្នកម្លាំងកងរាជអាវុធហត្ថបានប្រគល់ជនជាតិវៀតណាមទាំង១២នាក់ឲ្យទៅខាងនគរបាលអន្តោប្រវេសន៍ នៃស្នងការដ្ឋាននគរបាលខេត្តរតនគិរី ចាត់ការតាមនីតិវិធី។
ដោយឡែកគ្រឿងចក្រចំនួន០៦គ្រឿងខាងកម្លាំងកងរាជអាវុធហត្ថបានសហការជាមួយមន្ទីរកសិកម្ម រុក្ខប្រមាញ់ និងនេសាទខេត្តរតនគិរីកំពុងគ្រប់គ្រងនៅក្នុងបរិវេណក្រុមហ៊ុននុភាពសុភីតំបន់អូរតាយ៉ាក ឧទ្យានជាតិវីរៈជ័យ រតនគិរី ក្មុងឃុំតាវែងលើ ស្រុកតាវែង ខេត្តរតនគិរី។
តាមការបញ្ជាក់ពីសមត្ថកិច្ច បានប្រាប់ឲ្យសារព័ត៌មាននិងគេហទំព័រ”ខ្មែរអច្ឆរិយ:”យេីងដឹងទៀតថា ជនជាតិវៀតណាមទាំង ១២នាក់នេះបានចូលមកដោយខុសច្បាប់តាមច្រកព្រៃបង្គោលការពារព្រំដែនលេខ១៤ក្នុងភូមិសាស្ត្រប៉ុស្តិ៍នគរបាលការពារព្រំដែនគោក លេខ៥០៥ (ប៉ុស្តិ៍ភូមិចង) ខេត្តរតនគិរីជាប់ព្រំប្រទល់ជាមួយនឹងប៉ុស្តិ៍ការពារព្រំដែន ៧១១ស្រុកម៉រៃ ខេត្តកន្ទូម ប្រទេសវៀតណាម តាមរយៈឈ្មោះ សេក វិរៈ តំណាងក្រុមហ៊ុននុភាពសុភី និងវៀតណាមឈ្មោះ VO NGU YEVSA។
ទាក់ទិនទៅនឹងករណីឃាត់ខ្លួនជនជាតិវៀតណាម និងគ្រឿងចក្រខាងលើនេះដែរ លោកឧត្តមសេនីយ៍ទោ យិន ចំណាន ស្នងការនគរបាលខេត្ត បានប្រាប់ភ្នាក់ងារសារព័ត៌មាននិងគេហទំព័រ”ខ្មែរអច្ឆរិយ:”យេីងដឹងថា ជនជាតិថាខាងជំនាញកំពុងរកអ្នកបកប្រែ ដើម្បីសាកសួរធ្វើកំណត់ហេតុតើមានច្បាប់អនុញ្ញាតឲ្យចូលដីខ្មែរដែរឬអត់? ចំណែកគ្រឿងចក្រក៏លោកបានអញ្ជើញខាងសាខាគយមកត្រួតពិនិត្យផងដែរ៕
ធ្វេីសេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net