មណ្ឌលគិរី ៖
ចេញផ្សាយថ្ងៃសុក្រ០៨កើត ខែចេត្រ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១២ខែមេសាឆ្នាំ២០១៩
នៅព្រឹកសុក្រ ០៨កើត ខែចេត្រ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១២ ខែមេសា ឆ្នាំ២០១៩ នៅស្នងការដ្ឋាននគរបាលខេត្ត មានកិច្ចប្រជុំផ្សព្វផ្សាយ សេចក្តីណែនាំរបស់ ឯកឧត្តម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ និងផ្សព្វផ្សាយផែនការការពារសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម របស់ស្នងការដ្ឋាននគរបាលខេត្តមណ្ឌលគិរី ក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំកុរ ឯកស័ក ព.ស ២៥៦៣ គ.ស ២០១៩។
កិច្ចប្រជុំនេះប្រព្រឹត្តទៅក្រោមអធិបតីភាពឧត្តមសេនីយ៍ទោ ឡោ សុខា ស្នងការនគរបាលខេត្ត ដោយមានការចូលរួមពីសំណាក់ លោក លោកស្រី ជាស្នងការរង លោកអនុផែន លោក លោកស្រី នាយ នាយរងការិយាល័យ លោកអធិការ អធិការងនគរបាលក្រុង ស្រុកទាំង៥ លោកមេបញ្ជាការ មេបញ្ជាការរងវរសេនាតូចនគរបាលការព្រំដែនគោកទាំងពីរ, លោកនាយប៉ុស្តិ៍នគរបាលច្រកទ្វារទ្វេភាគីទាំងបី និងនាយប៉ុស្តិ៍នគរបាលរដ្ឋបាលទាំង២១ឃុំ-សង្កាត់ សរុបចំនួន ១០៥នាក់។
ធ្វើសេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net