ខេត្តមណ្ឌលគិរី ស្រុកកោះញែក
ចេញផ្សាយថ្ងៃអង្គារ០៥កើត ខែចេត្រ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០៩ ខែមេសាឆ្នាំ២០១៩ !
បើយោងតាមប្រភពព័ត៌មានគេរាយការណ៍មកថា មានរថយន្តកែច្នៃត្រូវបានកំពុងដឹកជញ្ជួនឈើដែលកក្រុមឈ្មួញក្រាក់ៗអារដួលរលំក្នុងដែនជម្រកសត្វព្រៃនិងព្រៃរបៀងចំណុចក្រង់គុយស្ថិតក្នុងស្រុកកោះញែករួចដឹកមកដាក់ចូលនៅក្នុងក្រុមហ៊ុនសម្បទានសេដ្ឋកិច្ចឈ្មោះយ៉ិនចាវយ៉ាងសកម្មដោយគ្មានការបង្ក្រាបពីមន្ត្រីជំនាញ។
ប្រភពខាងលេីនេះបានធ្វើសេចក្តីរាយការណ៍បន្តទៀតថាក្រុមហ៊ុនសម្បទានសេដ្ឋកិច្ចមួយនេះត្រូវបានក្រុមអ្នកដេញថ្លៃប្រមូលផលអនុផលព្រៃឈើកែនពលរដ្ឋចូលទៅកាប់ឈើប្រភេទឈើទាលពីពលរដ្ឋមានតម្លៃក្នុង១ម៉ែត្រគូបចំនួន១៥ដុល្លារ ឈើទើបផ្តួលក្នុងព្រៃដែនជម្រកសត្វ រួចយកមកទំលាក់ឱ្យក្រុមហ៊ុនរបស់គេក្រោមលេសទទួលបានសិទ្ធប្រមូលផលអនុផលព្រៃឈើក្នុងដីក្រុមហ៊ុនតែផ្ទុយទៅវិញក្រុមហ៊ុនមានតែឈើចាស់ៗមួយចំនួនដែលនៅសេសសល់តែប៉ណ្ណោះ។
រីឯអ្នកស្រុកកោះញែកកាលពីថ្ងៃទី០៨មេសានេះបានខ្សឹបប្រាប់ថា បើមិនប្រមូលឈើមកពីក្រៅនិងកាប់ក្នុងព្រៃដែនជម្រកតើក្រុមហ៊ុននេះមានឈើមកពីណា?ដើម្បីដឹកជញ្ជួនទាំងឡានៗយីឌុបនោះណាមួយជិតចូលឆ្នាំខ្មែរផងមិនសូវមានជំនាញទៅក្បែរដូច្នេះចេះតែប្រមូលចូលដែនក្រុមហ៊ុនឱ្យហើយទៅទាន់មានការបេីកដៃ។
មេការក្រុមហ៊ុនយ៉ិនចាវឈ្មោះលោកម៉េងហៅម៉េងបីពូថៅ បានបដិសេធចំពោះការចោទប្រកាន់ខាងលើនិងបានថាក្រុមហ៊ុនធ្វើតែឈើចាស់ៗនោះទេ។ចំណែកអ្នកចាត់ការទូទៅក្រុមហ៊ុនយ៉ិនចាវ ដែលមានឈ្មោះលោក វ៉ា ក្រុមការងារយេីងបានព្យាយាមធ្វើការទាក់ទងជាច្រើនលើក តែពុំមានការទំនាក់ទំនងឡើយ តែអ្នកសារព័ត៌មានយើងរង់ចាំទទួលការបំភ្លឺដ៏ពិសា្ពពីសាម៉ីក្រុមហ៊ុនដើម្បីចុះផ្សាយនាលេខក្រោយបន្តទៀត។
ធ្វើសេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net
(លេខទូរស័ព្វ ០១២:៥០៥៣៤៤/០៩៣:៤៤៥៥៥៨)