ខេត្តមណ្ឌលគិរី ស្រុកកោះញែក
ចេញផ្សាយថ្ងៃអង្គារ០៥កើត ខែចេត្រ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០៩ ខែមេសាឆ្នាំ២០១៩
តើជាការពិតដែរឬទេសព្វថ្ងៃនេះដែលបងប្អូនប្រជាពលរដ្ឋកំពុងល្បីថា លោក គ្រី ដែលជាមេឆ្នោត ដ៏ល្បីនិងធំជាងគេក្នុងស្រុកខ្មែរយើងនេះបានកំពុងក្លាយជាឈ្មួញឈើដ៏អស្ចារ្យម្នាក់នៅលើទឹកដីនៃស្រុកកោះញែក ខេត្តមណ្ឌលគិរី ហើយមានមេការ ឈ្មោះ លោក ផាន់ ណា បើតាមការបង្ហើបឲ្យដឹងពីសមត្ថកិច្ចថ្នាក់ក្រោមបានឲ្យដឹងថា លោក គ្រី រូបនេះ បានកំពុងតែបើកក្រុមហ៊ុនមួយដែលមានឈ្មោះថា វិជ្ជារី នៅក្នុងស្រុកកោះញ៉ែកតែគេពុំទាន់បានដឹងច្បាស់ទេថាក្នុងការកាប់និងដឹកជញ្ជូនឈើរបស់លោក គ្រីនេះ ចេញពីតំបន់ដីសម្បទានសេដ្ឋកិច្ចណាមួយឲ្យបានច្បាស់លាស់នៅឡើយទេឬមួយក៏កាប់និងដឹកជញ្ជូនចេញពីតំបន់ព្រៃនៃដែនជម្រកសត្វព្រៃណាមួយក៏ពុំដឹងនោះដែរ។
ដោយគ្រាន់តែដឹងយ៉ាងច្បាស់ថា ការអះអាងរបស់លោក ផាន់ណា ដែលជាមេការរូបនោះថា មានប៉េសេត្រឹមត្រូវច្បាស់លាស់ណាស់ក្នុងការដឹកជញ្ជូទាំងនេះ
ក៏ប៉ុន្តែទោះជាយ៉ាងណាការអះអាងរបស់ពលរដ្ឋនៅស្រុកកោះញ៉ែកបានឲ្យដឹងថា ការដឹកជញ្ជូនឈើប្រភេទលេខ១ របស់ក្រុមហ៊ុនវិជ្ជារីនេះបានកំពុងរៀបចំដោយរថយន្តម៉ាក វេអង ចំនួន១៧គ្រឿងនៅទុកដោយពេញៗប្រៀបហើយត្រៀមចេញថ្ងៃចូលឆ្នាំខ្មែរដ៏ខ្លីខាងមុខនេះ។
បើតាមការសន្និដ្ឋានរបស់ពួកគាត់ថា ក្នុងមួយឡានៗនោះមិនក្រោមពី៤០ ទៅ ៥០ ម៉ែត្រគូបនោះទេហើយក្នុងចំណោម ១៧ឡាននោះត្រូវបានគេដឹងថា មានប៉េសេ(PC) តែចំនួន ១០ឡានប៉ុណ្ណោះ។
ដោយឃើញសកម្មភាពអមទៅដោយរូបភាពជាក់ស្ដែងទាំងនេះផងដែរពួកគាត់ក៏បានដាក់ជាសំនួរ និងជូនជាដំណឹងទៅថ្នាក់ដឹកនាំ និងជំនាញដែលពាក់ព័ន្ធក្នុងខេត្តមណ្ឌលគិរីនោះថា តើការអនុញ្ញាតនិងចេញប៉េសេ (PC)ឲ្យដឹកប៉ុន្មានម៉ែត្រគូបក្នុង១ឡាននោះ ហើយឈើទាំងនេះបើតាមអ្វីដែលពួកគាត់បានដឹងនោះ គឺមិនមែនយកទៅកែច្នៃ ឬក៏លក់នៅទីផ្សារក្នុងស្រុកនោះទេ? គឺយកឆ្លងដែនទៅប្រទេសវៀតណាមក្នុងស្រុកមេមត់ខេត្តត្បូងឃ្មុំនោះយ៉ាងពិតប្រាកដណាស់។
ដើម្បីបញ្ចៀសរងនូវការរិះគន់ និងប៉ះពាល់ដល់កិត្តិយសព្រមទាំងកេរ្ដិ៍ឈ្មោះដ៏ស្អាតស្អំរបស់ថ្នាក់ដឹកនាំក៏ដូចជាមន្ត្រីជំនាញដែលប្រចាំការនៅលើទឹកដីនៃខេត្តមណ្ឌលគិរីនោះសូមមេត្តាមន្ត្រីជំនាញ មេត្តាត្រួតពិនិត្យមើលទៅលើប៉េសេ និងចំណុះដឹក ឡានទាំងនោះឲ្យបានត្រឹមត្រូវផងចុះដើម្បីចៀសវាងរងនូវការរិះគន់ ថាត្រីងៀតឆ្លៀតពង ឬក៏ឆ្នាំងណាគ្របហ្នឹងរវាងក្រុមឈ្មួញ និងអាជ្ញាធរមានសមត្ថកិច្ចដែលប្រចាំការនៅលើទឹកដីនៃខេត្តមណ្ឌលគិរី។ឬមួយក៏អស់លោកគិតថា ធ្វើយ៉ាងណាក៏ដោយឲ្យតែបានលុយចែកគ្នាដាក់ហោប៉ៅ និងឱ្យថ្នាក់លើរបស់ខ្លួននោះគឺជាការស្រេចតើមែនដែរឬទេ?ហើយអ្វីដែលថាគួរឲ្យមិនសរសើរមិនបាននោះ គឺ លោក គ្រី ដែលជាមេឆ្នោត ដ៏ធំជាងគេទូរទាំងប្រទេសគឺបានក្លាយទៅជាមេឈ្មួញឈើនោះ។
ជុំវិញបញ្ហានៃការលើកឡើងរបស់ពលរដ្ឋទាំងនេះផងដែរក្រុមការងារយើងខ្ញុំក៏សូមសំណូមពរដល់លោក ផាន់ណា ដែលជាមេការ និងលោកគ្រី ដែលជាថៅកែនោះ មេត្តាធ្វើការបកស្រាយមកកាន់ក្រុមការងារយើងខ្ញុំឲ្យបានសមស្របតាមច្បាប់នៃអ្នកសារព័ត៌មានផងចុះនោះក្រុមការងារយើងខ្ញុំ និងធ្វើការផ្សព្វផ្សាយបន្តកែតម្រូវឡើងវិញនៅរៀងរាល់ម៉ោងធ្វើការ ប្រសិនបើគិតថាការចោទប្រកាន់ទាំងនេះមិនមែនជាការពិតនោះ។ សូមរង់ចាំតាមដាននូវលេខក្រោយបន្តទៀត ។
ធ្វើសេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net
(លេខទូរស័ព្វ ០១២:៥០៥៣៤៤/០៩៣:៤៤៥៥៥៨)