ខេត្តក្រចេះ ស្រុកស្នួល
ចេញផ្សាយថ្ងៃស្រុ០១កើត ខែចែត្រ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០៥ខែមេសាឆ្នាំ២០១៩ !
យោងតាមប្រភពព័ត៌មានបានឲ្យដឹងថា នៅក្នុងទឹកដីនៃភូមិវ៉េវឃុំ២ធ្នូ ស្រុកស្នួល ខេត្តក្រចេះ កំពុងតែធ្វើការឃុបឃិតរួមគំនិតគ្នាបើកដៃឲ្យក្រុមឈ្មួញ ធ្វើការដឹកជញ្ជូនធ្យូង និងទំនិញគេចពន្ធចេញយ៉ាងអាណាធិបតេយ្យពីសំណាក់លោកសារឿនដែលជាប្រធានគយ និងលោកកើត រ៉ាសុីជាប្រធានប៉ូលិសអន្តោប្រវេសន៍ប្រចាំច្រកទ្វារភាគីកម្ពុជាវៀតណាម ត្រពាំងស្រែវ៉ាលឺនៅក្នុងទឹកដីនៃភូមិវ៉េវឃុំ២ធ្នូ ស្រុកស្នួល ខេត្តក្រចេះ កំពុងតែធ្វើការឃុបឃិតរួមគំនិតគ្នាបើកដៃឲ្យក្រុមឈ្មួញធ្វើការដឹកជញ្ជូនធ្យូង និងទំនិញគេចពន្ធចេញឆ្លងដែនទៅប្រទេសវៀតណាម ជាច្រើនរថយន្តនិងរាប់សិបតោនក្នុងមួយយប់ៗ។
ប្រភពនេះបានបន្តទៀត តើអាចនិយាយបានទេថា ទាំងនេះគឺជាអំពើពុករលួយនិងខុសច្បាប់បានដែរឬទេ?ឬមួយក៏ក្រុមឈ្មួញទាំងនោះបានបង់លុយអោយមន្ត្រីទាំងពីររូបនេះគ្រប់ចំនួនទៅហើយនោះ ទើបពួកគេចាត់ទុកថានេះគឺជាអំពើស្របច្បាប់ទៅវិញបែបនេះ?បើដូច្នោះក្នុងនាមពួកគាត់ជាពលរដ្ឋអាចនិយាយបានទេថាឲ្យតែមានការបង់លុយឲ្យទៅមន្ត្រីប្រចាំច្រកនោះគឺអាចចាត់ទុកថាជាទំនិញស្របច្បាប់តើមែនដែរឬទេ ?។
ប្រជាពលរដ្ឋទាំងនោះក៏បានបន្តទៀតថា តើទង្វើរបស់បុគ្គលមន្ត្រីទាំងពីររូបនេះដែលកំពុងតែប្រព្រឹត្តសព្វថ្ងៃនេះអាចប៉ះពាល់ដល់ ការបាត់បង់នៃការបង់ពន្ធថវិកាចូលរដ្ឋដែរឬទេ ? ដោយផ្អែកទៅលើសកម្មភាព និងរូបភាពជាក់ស្ដែងទាំងនេះផងដែរ ក៏ត្រូវបានមតិរិះគន់ពីពលរដ្ឋនិងមហាជនមួយចំនួនថា រាល់សកម្មភាពរបស់លោកកើត រ៉ាស៊ី និងលោកសារឿននោះ ប្រហែលជាពួកគេកំពុងតែសំងំ កើបនិងប្រមូលលុយពីក្រុមឈ្មួញទាំងនោះដើម្បីស្រង់ដើមដែលពួកគេបានចំណាយទឹកប្រាក់ក្នុងការប្តូរយកតំណែងជាប្រធានគយនិងប្រធានប៉ូលិសអន្តោប្រវេសន៍ហើយមើលទៅនោះ។
តែបើយោងតាមប្រភពដាច់ដោយឡែកផ្សេងមួយវិញនោះបានលួចបង្ហើបប្រាប់ក្រុមការងារយើងថា មូលហេតុដែលពួកគេហ៊ានប្រព្រឹត្តបែបនេះទីមួយគឺសំអាងទៅលើតួនាទីនិងអំណាចរបស់ពួកគេគឺសំអាងទៅលើថា លោកកើត ដារ៉ាស៊ី រូបនេះជាប្អូនប្រុសបង្កើតរបស់អគ្គនាយកដ្ឋានគយ ដែលធំជាងគេប្រចាំនៅកម្ពុជានេះតែម្ដងទើបបានជាពួកគេបានប្រព្រឹត្តយ៉ាងគឃ្លើនដោយពុំមានការកោតខ្លាច និងផ្គើនអនុសាសន៏ដ៏ខ្ពង់ខ្ពស់របស់ប្រមុខនៃថ្នាក់ដឹកនាំបែបនេះ។
ជុំវិញព័ត៌មាននេះផងដែរក្រុមការងារយើងខ្ញុំទទួលបានពីបងប្អូនប្រជាពលរដ្ឋដែលរស់នៅភូមិឃុំខាងលើនោះហើយពួកគាត់ក៏បានធ្វើការសុំសំណូមពរដល់ឯកឧត្តមរដ្ឋមន្ត្រីនៃអង្គភាពប្រឆាំងអំពើពុករលួយ មេត្តាឯកឧត្តមចាត់មន្ត្រីក្រោមឱវាទបើកការស៊ើបអង្កេតទៅលើមន្ត្រីទាំងពីររូបនេះជាបន្ទាន់ផងចុះ។ តែទោះជាយ៉ាងណាការចោទប្រកាន់ពីពលរដ្ឋទាំងនេះផងដែរក្រុមការងារយើងខ្ញុំពុំទាន់បានសុំការបកស្រាយបំភ្លឺពីមន្ត្រីដែលពាក់ព័ន្ធទាំងពីររូបនោះបាននៅឡើយទេក្នុងថ្ងៃនេះ។
ក្រុមការងារយើងខ្ញុំក៏បានសំណូមពរដល់មន្ត្រីដែលពាក់ព័ន្ធមេត្តាធ្វើការបកស្រាយមកកាន់ក្រុមការងារយើងខ្ញុំឲ្យបានសមស្របទៅតាមប្រព័ន្ធផ្លូវច្បាប់នៃរបបអ្នកសារព័ត៌មានផងចុះនោះក្រុមការងារយើងខ្ញុំ និងធ្វើការផ្សព្វផ្សាយបន្តកែតម្រូវឡើងវិញនៅរៀងរាល់ម៉ោងធ្វើការប្រសិនបើគិតថាការចោទប្រកាន់នេះមិនមែនជាការពិតនោះ។
ធ្វើសេចក្ដីរាយការណ៍ដោយអង្គភាពសារព័ត៌មាននិងគេហទំព័រ”ខ្មែរអច្ឆរិយៈ”http/www.khpress.net
(០១២:៥០៥៣៤៤/០៩៣:៤៤៥៥៥៨)