ខេត្តមណ្ឌលគិរី ស្រុកកោះញែក
ចេញផ្សាយថ្ងៃអាទិត្យ១១រោជ ខែផល្គុនឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៣១ខែមីនា ឆ្នាំ២០១៩
នៅព្រឹកថ្ងៃអាទិត្យ ១១ រោច ខែផល្គុន ឆ្នាំចសំរិទ្ឋស័កព.ស២៥៦២ត្រូវនិងថ្ងៃទី៣១ ខែមីនា ឆ្នាំ២០១៩ ឯកឧត្ដម ស្វាយ សំអ៊ាង អភិបាលនៃគណ អភិបាលខេត្តនិងលោកស្រីជំទាវព្រមទាំងលោកឧត្តមសេនីយ៍ទោ ឡោ សុខា ស្នងការនគរបាលខេត្តនិងមន្ត្រីក្រោមឱវាទបានអញ្ជើញជាអធិបតីភាពក្នុងពិធីសម្ភោធដាក់អោយប្រើប្រាស់ជាផ្លូវការនូវសាលាឆាន់ថ្មីមួុយខ្នង ១២X២៤ នៅមណ្ឌលជលសារមហាសែនជ័យ ស្ថិតនៅក្នុងឃុំណងឃីលឹក ស្រុកកោះញែក ខេត្តមណ្ឌលគិរី ដែលបានស្ថាបនារួុចរាលជាស្ថាពរ។
ឯកឧត្តមស្វាយ សំអ៊ាង បានបន្តទៀតថា វត្តអារាមមិនគ្រាន់តែជាទីគោរពសក្ការះបូជាតែបុណ្ណេាះទេ គឺជាប្រភពបណ្តុះបណ្តាលនូវបញ្ញាញ្ញាណនិងជាថ្នាលបណ្តុះធនធានមនុស្សគ្រប់សម័យកាលអោយចេះដឹងទាំងផ្លូវលោកទាំងផ្លូវធម៌ទាំងគ្រប់វិស័យព្រះពុទ្ឋសាសនាស្របនិងស្ថានភាពសង្គមជាតិយើងកំពុងតែរីកចម្រើនជាបន្តបន្ទាប់ ។
នាពេលបច្ចុបប្បន្ននេះប្រមុខរាជរដ្ឋាភិបាលកម្ពុជាបានលើកតម្លើងនិងទ្រទ្រង់ព្រះពុទ្ឋសាសនាស្របនិងស្ថានភាពសង្គមជាតិកំពុងតែរីកចម្រើនលើគ្រប់វិស័យសាកសមជាទីកន្លែងគោរពបូជានៃពុទ្ឋបរិស័ទ។
បន្ទាប់មកឯកឧត្តម ស្វាយ សំអ៊ាង ព្រមទាំងលោកឧត្តមសេនីយ៍ទោ ឡោ សុខា និងមន្ត្រីក្រោមឱវាទអញ្ជើញកាត់ខ្សែបូរនិងបានប្រគេនបច្ច័យចំនួន២៣លានរៀលចែកចេញជាពីរ វត្ត វត្តជីមៀតចំនួន២0លានរៀលវត្តស្រែជ្រៃចំនួន៣លានរៀលនិងវេរដល់ព្រះសង្ឃចំនួន៣៦អង្គក្នុងមួយអង្គបច្ច័យចំនួន៥ម៉ឺនរៀល,ទឹកសុទ្ឋមួយកេះ,ទឹកក្រូចមួយកេះ,បានឧបត្ថម្ភដល់តាជីចំនួន៣0នាក់ក្នុងមួយៗអ្នកទទួលបានក្រណាត់សមួយដុំនិងថវិកាចំនួន១ម៉ឺនរៀលនិងសិស្សានុសិស្សចំនួន២០០នាក់ទទួលបានសៀវភៅនិងខ្មៅដៃផងដែរ។
ដោយគេហទំព័រខ្មែរអច្ឆរិយៈhttp/www.khpress.net