មណ្ឌលគិរី៖ ដើម្បីជម្រុញ និងលើកទឹកចិត្តដល់សិស្សានុសិស្ស នៅអនុវិទ្យាល័យអូរផ្លាយ ស្ថិតក្នុង ឃុំស្រែអំពូម ស្រុកពេជ្រាដា ខេត្តមណ្ឌលគិរី ដែលកន្លងមកពួកគេចង់បានកុំព្យូទ័រ សម្រាប់រៀនប្រើប្រាស់ឲ្យមានមូលដ្ឋានគ្រឹះផ្នែកបច្ចេក វិទ្យាក្នុងការសិក្សាកម្រិតទូទៅនោះ លោកព្រះរាជអាជ្ញាខេត្តមណ្ឌលគិរី បានបំពេញបំណងដល់ប្អូនៗសិស្សានុសិស្ស ដោយបានប្រគល់កុំព្យូទ័រចំនួន២គ្រឿង ដល់អនុវិទ្យាល័យអូរផ្លាយ ដើម្បីបង្កលក្ខណៈងាយស្រួលដល់សាលា ក្នុងការបង្ហាត់បង្រៀន ដល់សិស្សានុសិស្សឲ្យមានចំណេះដឹងផ្នែកកុំព្យូទ័រ ក៏ដូចជាការរួមចំណែកជួយដល់វិស័យអប់រំ ។
ថ្លែងក្នុងការសំណេះសំណាលជាមួយប្អូនៗសិស្សានុសិស្ស នៅអនុវិទ្យាល័យអូរផ្លាយ នារសៀលថ្ងៃទី០៦ កក្កដា ២០១៨ លោក ឡុង ហុកម៉េង ព្រះរាជអាជ្ញានៃអយ្យការអមសាលាដំបូងខេត្តមណ្ឌលគិរី បានប្រាប់សារព័ត៏មាននិងគហទំព័រខ្មែរអច្ឆរិយៈថាដោយសារតែលោកស្រលាញ់និងចង់រួមចំណែកជួយដល់វិស័យអបរំ លោកនឹងប្រើប្រាស់ថវិកាផ្ទាល់ខ្លួន ផ្ដល់រង្វាន់ដល់សិស្សា នុសិស្សទូទៅ ដែលមានសមត្ថភាពប្រលងជាប់លេខ១ ផ្នែកគណិតវិទ្យា និងផ្នែកអក្សរសាស្ត្រខ្មែរ ដូច្នេះលោក សូមជម្រុញ ដល់សិស្សានុសិស្សទាំងអស់ត្រូវខិតខំរៀនសូត្រ
ឲ្យអស់ពីសមត្ថភាព ដើម្បីទទួលបានការឧបត្ថមពីលោក ហើយប្រសិនបើ លោកសម្លឹងឃើញមានសិស្សឆ្នើមរូបណា ដែលមានសមត្ថភាពក្នុងការសិក្សាខ្ពស់ទៀតនោះ លោកក៏នឹងជួយជ្រោមជ្រែង ឲ្យសិស្សនោះរៀនសូត្យរហូតបញ្ចប់ការសិក្សាផងដែរ ។
លោកព្រះរាជអាជ្ញាខេត្តមណ្ឌលគិរី បន្ថែមថា ការដែលលោកផ្ដល់កុំព្យូទ័រឲ្យសាលានេះ ព្រោះតែចង់ឲ្យប្អូនៗជា សិស្សានុសិស្សមានមូលដ្ឋានក្នុងការប្រើប្រាស់បច្ចេកវិទ្យា ដើម្បីងាយស្រួលរកការងារធ្វើនៅថ្ងៃអនាគត ហើយសព្វថ្ងៃ ប្រទេសជាតិយើងកំពុងមានសន្តិភាពពេញលេញ ដែលនេះជាឱកាសដ៏ល្អសម្រាប់ប្អូនៗខិតខំរៀនសូត្រ ដើម្បីអាចឈោង ចាប់ការងារល្អៗក្រោយបច្ចប់ការសិក្សា ហើយលោក ព្រះរាជអាជ្ញា បានណែនាំដល់សិស្សានុសិស្ស ត្រូវជៀសអោយឆ្ងាយអំពីគ្រឿងញៀន និងអំពើឧបាយមុខផ្សេងៗ និងចូលរួមគោរពច្បាប់ចរាចរណ៍ផ្លូវគោកទាំងអស់គ្នា។
ឆ្លៀតក្នុងឱកាសនោះ លោក ឡុង ហុកម៉េង បានប្រាប់សារព័ត៏មាននិងគេហទំព័រខ្មែរអច្ឆរិយៈបន្ថែមថាៈលោកបានឧបត្ថមដល់សិស្សពូកែម្នាក់ រៀនថ្នាក់ទី៩ ដែលប្រឡងជាប់លេខ១ប្រចាំខែ នៅវិទ្យាល័យអូរផ្លាយ នូវទឹកប្រាក់ចំនួន១០០$ និងបានឧបត្ថមសម្ភារៈកីឡាមួយចំនួនទៀតដល់សាលាផងដែរ ។
សូមបញ្ជាក់ថា កាលពីពេលថ្មីៗនេះ លោកព្រះរាជអាជ្ញាខេត្តមណ្ឌលគិរី ក៏ធ្លាប់បានឧបត្ថមដល់សិស្សឆ្នើមផ្នែក អក្សរសាស្ត្រខ្មែរ នៅអនុវិទ្យាល័យអូរផ្លាយនេះ នូវម៉ូតូចំនួន០១គ្រឿង ព្រមទាំងឧបត្ថមសម្ភារៈសិក្សា និងថវិកា មួយចំនួនដល់អនុវិទ្យាល័យមួយនេះផងដែរ ។
ក្នុងនាមសិស្សឆ្នើមតំណាងឱយសិស្សទាំងអស់នៃសាលាអនុវិទកយាល័យអូរផ្លាយសូមគោរពជូនពរបវរមហាប្រសើរដល៉លោកឡុងហុកម៉េងព្រះរាជអាជ្ញាអមសាលាដំបូងខេត្តបានជួបប្រទះនូវពុទ្ធពរប្រាំប្រការគឺ អាយុ វណ្ណៈ សុខ: ពលៈ និងបដិភាណៈកុំបីឃ្លៀងឃ្លាតឡើយ ៕