ខេត្តមណ្ឌលគិរី ៖
ចេញផ្សាយថ្ងៃសៅរ៍១០រោជ ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៣០ខែមីនា ឆ្នាំ២០១៩
វេលាម៉ោង ០៨និង០០នាទី នៅសាលប្រជុំស្នងការដ្ឋាននគរបាលខេត្តមណ្ឌលគិរី បានរៀបពិធីសាកសួរសុខទុក្ខ សំណេះសំណាល និងចែកអំណោយដល់កុមារកំព្រារចំនួន ២៥២នាក់ ក្នុងនោះមានស្រី ១៤៧នាក់។
ពិធីនេះប្រព្រឹត្តទៅក្រោមអធិបតីភាព លោកជំទាវ ង៉ែត ម៉ាលី និងលោកជំទាវ វិន ស៊ីធួុន អភិបាលរងខេត្តមណ្ឌលគិរី ដោយមានការអញ្ជើញចូលរួមពីរ លោកឧត្តមសេនីយ៍ទោ ឡោ សុខា ស្នងការនគរបាលខេត្ត និងសហការី ព្រមទាំង លោកមេបញ្ជាការរងកងរាជអាវុធហត្ថខេត្ត លោកអភិបាលរងក្រុងសែនមនោរម្យ លោកប្រធានមន្ទីរអប់រំ យុវជន និងកីឡាខេត្ត លោកគ្រូអ្នកគ្រូទាំងបួនមណ្ឌលនិងលោក លោកស្រីជាសប្បុរសជនផងដែរ។
ក្នុងឱកាសនោះលោកស្រីជំទាវ ង៉ែត ម៉ាលី ក៏បានផ្តាំផ្ញើរដល់ប្អូនៗកុមារកំព្រារទាំងអស់ត្រូវយកចិត្តទុកដាក់និងខិតខំរៀនសូត្រនិងជៀសអោយឆ្ងាយពីគ្រឿងញៀន។បន្ទាប់មកលោកស្រីជំទាវបានផ្តល់អំណោយអង្ករចំនួន១៨បេ, មីចំនួន ០៥កេះធំ, ទឹកស៊ីអុីវចំនួន២៨យួរ, សៀវភៅ, ខ្មៅដៃ, ប៊ិច ព្រមទាំងថវិកាក្នុងម្នាក់ៗចំនួន ១០,០០០៛ផងដែរ។
ដោយ គេហទំព័រខ្មែរអច្ឆរិយៈ http://www.khpress.net
