ខេត្តកណ្ដាល
ចេញផ្សាយថ្ងៃព្រហស្បត៍០៨រោជ ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៨ខែមីនា ឆ្នាំ២០១៩!
នេះបើតាមនគរបាលខេត្តកណ្តាលបានឲ្យដឹងថា នៅព្រឹកថ្ងៃទី ២៨ ខែមីនា ឆ្នាំ២០១៩នេះក្រុមជនសង្ស័យមួយក្រុមបានធ្វើសកម្មភាពប្រើល្បិចក្លែងជាអំពើហិង្សានៅតាមផ្លូវដោយដេញគប់ ដេញវាយ រួចប្លន់ យកម៉ូតូនៅចំណុចមុខម៉ាតតូតាល់ ភូមិដើមគ សង្កាត់ដើមមៀន ក្រុងតាខ្មៅ ខេត្តកណ្តាល ត្រូវបានកម្លាំងនគរបាលការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តកណ្តាលបើកកិច្ចប្រតិបត្តិការស្រាវជ្រាវស៊ើបអង្កេតយ៉ាងដោយយកចិត្តទុក ដាក់រហូតឈានដល់ការឃាត់ខ្លួនមុខសញ្ញាសង្ស័យបាន០៦នាក់ជាបន្តបន្ទាប់ និងបក្ខពួកគេ០៩នាក់ផ្សេងទៀតកំពុងរត់គេចខ្លួន។
ជនសង្ស័យទាំង០៦នាក់ខាងលើមានឈ្មោះ
ទី១-ឈ្មោះ រិន សារី ភេទប្រុស អាយុ ១៨ឆ្នាំ មុខរបរ បុគ្គលិករថយន្ដក្រុងក្រុមហ៊ុនកាពីតូល ទីលំនៅ ភូមិព្រែកហូរកើត សង្កាត់ព្រែកហូរ ក្រុងតាខ្មៅ ខេត្តកណ្ដាល។
ទី២-ឈ្មោះ ថាច ចាន់ថន ភេទប្រុស អាយុ១៩ឆ្នាំ មុខរបរ រត់តុការ មានទីលំនៅ ភូមិព្រែកហូរលិច សង្កាត់ព្រែកហូរ ក្រុងតាខ្មៅ ខេត្តកណ្ដាល។
ទី៣-ឈ្មោះ ប៉ាត ជាតិ ហៅ ប៊ិនយ៉ា ភេទប្រុស អាយុ១៩ឆ្នាំ មុខរបរ ជាងឈើ មានទីលំនៅភូមិស្ទឹងជ្រៅ សង្កាត់ដើមមៀន ក្រុងតាខ្មៅ ខេត្តកណ្ដាល, ទី៤-ឈ្មោះ សួន បញ្ញា ហៅ ជ្រឹង ភេទប្រុស អាយុ១៩ឆ្នាំ មុខរបរមិនពិតប្រាកដ មានទីលំនៅ ភូមិស្ទឹងជ្រៅ សង្កាត់ដើមមៀន ក្រុងតាខ្មៅ ខេត្តកណ្ដាល, ទី៥-ឈ្មោះ អ៊ុន ភក្ដី ភេទប្រុស អាយុ១៨ឆ្នាំ មុខរបររត់តុការ មានទីលំនៅ ភូមិព្រែកហូរលិច សង្កាត់ព្រែកហូរ ក្រុងតាខ្មៅ ខេត្តកណ្ដាល
ទី៦-ឈ្មោះ ហ៊ុយ លាងហេង ភេទប្រុស អាយុ២០ឆ្នាំ មុខរបររត់តុការ មានទីលំនៅ ភូមិព្រែកហូរលិច សង្កាត់ព្រែកហូរ ក្រុងតាខ្មៅ ខេត្តកណ្ដាល ។
ក្រោយពីការឃាត់ខ្លួនជនសង្ស័យសមត្ថកិច្ចបានធ្វើការដកហូតវត្ថុតាងរួមមាន
– ម៉ូតូម៉ាក Suzuki Nex សេរីឆ្នាំ២០១៨ ពណ៌ ស ០១គ្រឿង ផ្លាកលេខ ភ្នំពេញ 1HE-0063 (របស់ជនរងគ្រោះ)
– ម៉ូតូម៉ាក Honda C125 សេរីឆ្នាំ២០១៨ ពណ៌ ខ្មៅ ស្លាកលេខ កណ្ដាល 1AB-6737(របស់ជនសង្ស័យ)
– ម៉ូតូម៉ាក Honda C125 សេរីឆ្នាំ ២០១៩ គ្នាមផ្លាកលេខ ពណ៌ឈាមជ្រូក (របស់ជនសង្ស័យ)
– ម៉ូតូម៉ាក Scoopy សេរីឆ្នាំ២០១៥ ពណ៌ស ផ្លាកលេខ ភ្នំពេញ 1BC -0614 (របស់ជនសង្ស័យ)
– ទូរស័ព្ទ ៤គ្រឿង ម៉ាក IPhone X ពណ៌ ០១គ្រឿង ម៉ាក Samsung Galaxy S6 edge ពណ៌ទឹកប្រាក់ ០១គ្រឿង ម៉ាកIPhone 6 ពណ៌ទឹកប្រាក់ ០១គ្រឿង ម៉ាកIPhone 5 ពណ៌ ស ស្រោមខ្មៅ (របស់ជនសង្ស័យ)
– ចិញ្ចៀន លោហះធាតុពណ៌ទង់ដែង ដាំត្បូងលឿង ១វង់ និង នាឡិកាដៃ ២គ្រឿង (របស់ជនសង្ស័យ)។
រីឯបក្ខពួកគេចំនួន០៩នាក់ទៀតបានរត់គេចខ្លួន បច្ចុប្បន្នសមត្ថកិច្ចកំពុងធ្វើការស្រាវជ្រាវស្វែងរកចាប់ខ្លួន ចំណែកបច្ចុប្បន្នជនសង្ស័យទាំង០៦នាក់រួមនឹងវត្ថុតាងត្រូវបានបញ្ជូនមកសាលាដំបូងខេត្តកណ្តាលដើម្បីចាត់ការតាមនិតិវិធីច្បាប់៕
ដោយ គេហទំព័រខ្មែរអច្ឆរិយៈ http://www.khpress.net