ខេត្តមណ្ឌលគិរី ៖
ចេញផ្សាយថ្ងៃព្រហស្បត៍០៨រោជ ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៨ខែមីនា ឆ្នាំ២០១៩!
នៅព្រឹកថ្ងៃព្រហស្បតិ៍ ៨រោច ខែផល្គុន ឆ្នាំចសំរឹទ្ធិស័ក ព.ស ២៥៦២ ត្រូវនឹងថ្ងៃទី២៨ ខែមីនាឆ្នាំ២០១៩
លោកឧត្តមសេនីយ៍ទោ ឡោ សុខា ស្នងការនគរបាលខេត្តនិងសហការី បានចូលរួមគោរពវិញ្ញាណក្ខន្ធសព និងបំពាក់ឋានន្តរស័ក្តិជាកិច្ចបច្ឆាមរណៈជូនសលោកវរសេនីយ៍ទោ ខឿន កំសត់អត្តលេខ ១៥៩១៩ ជានាយរងការិយាល័យអក្សរសម្ងាត់ នៃស្នងការដ្ឋាននគរបាលខេត្តមណ្ឌលគិរី ដែលបាទទួលមរណៈភាពកាលពីថ្ងៃទី២៦ ខែមីនា ឆ្នាំ២០១៩ ក្នុងជន្មាយុ ៥១ឆ្នាំ(ដោយរោគាពាធ)។
សពត្រូវបានក្រុមគ្រួសាររៀបចំធ្វើបុណ្យតាមប្រពៃណីនៅគេហដ្ឋាននៃសព ស្ថិតនៅភូមិកណ្តាល សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី តាមគន្លងប្រពៃណីព្រះពុទ្ធសាសនា ជាមួយនឹងការអញ្ជើញគោរពវិញ្ញាណក្ខន្ធសព លោកឧត្តមសេនីយ៍ទោស្នងការ និងសហការី បានអុជធូបបួងសួងឧទ្ទិសទៅដល់វិញ្ញាណក្ខន្ធ ទាំងអារម្មណ៍ក្រៀមក្រំ និងសោកស្តាយយ៉ាងខ្លាំងបំផុត ក្នុងការបាត់បង់នូវមន្ត្រីនគរបាលសកម្មម្នាក់ ដែលធ្លាប់បានបម្រើជាតិមាតុភូមិអស់រយៈពេលច្រើនឆ្នាំកន្លងមក។
ស្ថិតក្នុងឱកាសនោះដែរ លោកឧត្តមសេនីយ៍ទោស្នងការ បាននាំយកនូវថវិការបស់ស្នងការដ្ឋានគរបាលខេត្តមណ្ឌលគិរី ចំនួន ៦,៧៩០,០០០រៀល(ប្រាំមួុយលាន ប្រាំពីររយកៅសិបពាន់រៀល) អង្ករ ៥០គីឡូក្រាម, ទឹកក្រូច០៥កេះ, ទឹកសុទ្ធ១០កេះ, ម៉ី១កេះធំ ដេីម្បីប្រគល់ជូនគ្រួសារនៃសព ដើម្បីចាត់ចែងធ្វើបុណ្យតាមគន្លងប្រពៃណីព្រះពុទ្ធសាសនា។
ក្នុងឱកាសនោះផងដែរ ក្រុមគ្រួសារនៃសព បានថ្លែងអំណរគុណ ដល់លោកឧត្តមសេនីយ៍ស្នងការ និងសហការី ដែលតែងតែយកចិត្តទុកដាក់ដល់មន្ត្រីក្រោមឱវាទ និងសូមជូនពរជួបតែនឹងពុទ្ធពរទាំងបួនប្រការគឺ អាយុ វណ្ណ: សុខ: ពល: កុំបីឃ្លៀងឃ្លាតឡើយ៕
ដោយ គេហទំព័រខ្មែរអច្ឆរិយៈ http://www.khpress.net