បាងកក ៖
ចេញផ្សាយថ្ងៃច័ន្ទ០៥រោជខែផល្គុនឆ្នាំចសំរឹទ្ធិស័ក ព.ស ២៥៦២ ត្រូវនឹងថ្ងៃទី២៥ខែមីនា ឆ្នាំ២០១៩
សេចក្តីរាយការណ៍ពីប្រទេសថៃ កាសែត Bangkok Post ចេញឲ្យដឹងថា ប្រធានគណបក្សប្រជាធិបតេយ្យ លោក អាប់ ភីស៊ីតបានប្រកាសលាលែងពីតំណែងក្រោយពីទទួលបរាជ័យក្នុងការបោះឆ្នោតនេះប៉ុន្តែលោកបានប្រកាសថា នឹងចូលរួមរដ្ឋាភិបាលចម្រុះផងដែរ។
សូមជំរាបថា លទ្ធផលបោះឆ្នោតប្រមាណ៩០ភាគយបានបង្ហាញថា គណបក្សភឿថៃ របស់លោក ថាក់ស៊ីន កំពុងមុខលំដាប់ទី១ ខណៈគណបក្ស Palang Pracharath របស់ប្រាយុទ្ធស្ថិតនៅលំដាប់ទី២។
ភ្នាក់ងារព័ត៌មានបានរាយការណ៍ពីទីក្រុងបាងកកបានឲ្យដឹងថា ការរាប់សន្លឹកឆ្នោតត្រូវបានផ្អាកភ្លាមៗដោយគណៈកម្មាធិការរៀបចំការបោះឆ្នោតរបស់ថៃ ដោយមិនបានបញ្ជាក់ពីមូលហេតុច្បាស់លាស់ ខណៈការរាប់សន្លឹកឆ្នោតបានត្រឹមតែ៩០ភាគរយ ការរាប់សន្លឹកឆ្នោតនៅបន្តនៅព្រឹកថ្ងៃទី២៥ ខែមីនា ឆ្នាំ២០១៩៕
ដោយ គេហទំព័រខ្មែរអច្ឆរិយៈ http://www.khpress.net
