ខេត្តមណ្ឌលគិរី
ចេញផ្សាយថ្ងៃសៅរ៍០៣រោជខែផល្គុនឆ្នាំចសំរឹទ្ធិស័ក ព.ស ២៥៦២ ត្រូវនឹងថ្ងៃទី២៣ខែមីនា ឆ្នាំ២០១៩
នៅព្រឹកថ្ងៃសៅរ៍០៣រោច ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៣ ខែមីនា ឆ្នាំ២០១៩ លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី បានដឹកនាំសហការី អញ្ជើញទៅសួរសុខទុក្ខដល់លោកវរសេនីយ៍ទោ ខឿន កំសត់ ជានាយរងការិល័យអក្សរសម្ងាត់នៃស្នងការដ្ឋាននគរបាលខេត្តមណ្ឌលគិរី ដែលកំពុងមានជម្ងឺជាទម្ងន់ និងសម្រាកព្យាបាលនៅផ្ទះរបស់គាត់ស្ថិតក្នុងភូមិកណ្តាល សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី ។
ឧត្តមសេនីយ៍ទោ ស្នងការបានប្រាប់គេហទំព័រខ្មែរអច្ឆរយៈយេីងឲ្យដឹងថា ក្នុងការចុះសួរសុខទុក្ខនេះបាននាំយកថវិកាចំនួន ១,៤០០,០០០រៀល (មួុយលានបួុនសែនរៀល) រួមជាមួយគ្រឿងឧបភោគ បរិភោគមួយចំនួន ដូចជាៈ អង្ករ ៥០គីឡូក្រាម ទឹកក្រូច ២កេះ ទឹកសុទ្ធ ២កេះទឹកត្រី ២យួរ ទឹកស៊ីអ៉ីវ ២យួរផងដែរ។
លោកបានបន្តទៀតថា អំណោយទាំងនេះបានមកពីទឹកចិត្តសប្បុរសធម៌របស់លោកឧត្តមសេនីយ៍ស្នងការ និងសហការី ក្នុងឱកាសនោះដែរលោកឧត្តមសេនីយ៍ស្នងការ ក៏បានជូនពរលោកវរសេនីយ៍ទោ ខឿន កំសត់ សូមឱ្យឆាប់ជាសះស្បើយពីជម្ងឺ ដើម្បីឆាប់បានទៅបម្រើការងារនៅអង្គភាពវិញ។
ជាចុងក្រោយ លោកវរសេនីយ៍ទោ ខឿន កំសត់ និងក្រុមគ្រួសារក៏បានថ្លែងអំណរគុណដល់លោកឧត្តមសេនីយ៍ស្នងការ និងសហការីទាំងអស់សូមជួបតែនឹងពុទ្ធពរទាំងបួនប្រការគឺ អាយុ វណ្ណ: សុខ: ពល: កុំបីឃ្លៀងឃ្លាតឡើយ និងទទួលបានជោគជ័យថ្មីៗបន្ថែមទៀត។
ធ្វេីសេចក្ដីរាយការណ៍ពីខេត្តមណ្ឌលគិរីដោយលោក វង្ស រចនា គេហទំព័រខ្មែរអច្ឆរិយៈ http://www.khpress.net
