ខេត្តកំពង់ស្ពឺ ស្រុកបសេដ្ឋ
ចេញផ្សាយថ្ងៃសៅរ៍ ០៣រោជ ខែផល្គុន ឆ្នាំចសំរឹទ្ធិស័ក ព.ស ២៥៦២ ត្រូវនឹងថ្ងៃទី២៣ខែមីនា ឆ្នាំ២០១៩
ក្រោមបទបញ្ជាដ៏ម៉ឺងម៉ាត់របស់ នាយឧត្ដមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការទប់ស្កាត់បង្ក្រាប បទល្មើសធនធានធម្មជាតិថ្នាក់ជាតិ។
នៅរសៀលថ្ងៃទី ២២ ខែមីនា ឆ្នាំ២០១៩ ក្រោយពីទទួលបានព័ត៌មានភ្លាមៗថា មានរោងម៉ាស៊ីនអាឈើខ្នាតយក្ស ដែលគេហៅថា (ម៉ាស៊ីនរ៉ៃ) ជាច្រើនទីតាំង កំពុងតែស្តុកឈើអាយ៉ាងអនាធិតេយ្យ ភ្លាមនោះ ឯកឧត្ដម ឧត្ដមសេនីយ៍ឯក ហុង វិណុល មេបញ្ជាការរងកងរាជអាវុធហត្ថលើផ្ទៃប្រទេស បានបញ្ជាឲ្យកំលាំងកងរាជអាវុធហត្ថលើផ្ទៃប្រទេស សហការជាមួយកំលាំងអាវុធហត្ថខេត្ដកំពង់ស្ពឺ។
ដែលដឹកនាំដោយលោក វរៈសេនីយ៍ នុត ប៉ូលីន បានដឹកនាំកំលាំងអាវុធហត្ថ ធ្វើការចុះបង្ក្រាបបានមួយទីតាំង ស្ថិតនៅចំណុចភូមិឃ្លៃថ្មី ឃុំពោធិ៍ចំរេីន ស្រុកបសេដ្ឋ ខេត្ដកំពង់ស្ពឺ ហើយបានរឹបហូស ម៉ាស៊ីន រ៉ៃខ្នាតយក្យ ចំនួនមួយ និងឈើមូលជាង៤០ដុំ ប្រគល់ជួនជំនាញរដ្ឋបាលព្រៃឈើដេីម្បីធ្វើការតាមនិតិវិធីច្បាប់ព្រៃឈើបន្ត។
លោកនុត ប៉ូលីន បានឲ្យគេហទំព័រខ្មរអច្ឆរិយៈយេីងដឹងថា ចំណែកពីរទីតាំងទៀតដែលមានទីតាំងស្ថិចនៅចំណុចភូមិ ច្រនាងថ្មី ឃុំពោធិ៍អង្គ្រង ស្រុកបសេដ្ឋ និង ស្ថិតនៅចំណុចភូមិត្រាំកង់ ឃុំនិទាន ស្រុកបសេដ្ឋ ខេត្ដកំពង់ស្ពឺ ដែលរោងម៉ាស៊ីនខ្នាតយក្យនោះ នៅមិនឆ្ងាយពីគ្នាប៉ុន្មានផងដែរ លោក វរៈសេនីយ៍ នុត ប៉ូលីន បានបន្តទៀតថា បានប្រាប់អោយមេព្រៃ និងអាវុធហត្ថខេត្ដធ្វើការចំណាត់ការបន្តទៀត។
តែអ្វីដែលជារឿងងឿងឆ្ងល់ធំបំផុត របស់ប្រជាពល់រដ្ឋ ក្នុងភូមិឃុំ ស្រុកខាងលើ និងបងៗសមត្ថកិច្ច បានដាក់ជាសំនួរថា ចុះខាងជំនាញរដ្ឋបាលព្រៃដែលមានទាំងសង្កាត់ ផ្នែក ខ័ណ្ឌ ក្នុងស្រុកបសេដ្ឋ ខេត្ដកំពង់ស្ពឺ អស់លោកកំពុងតែធ្វើអ្វីដែរបានជាគ្មានវិធានការបង្ក្រាបសោះ?។បានជាបណ្ដែតបណ្ដោយ អោយកេីតមានរោងម៉ាសុីអាឈើខ្នាតយក្យ រីកដុះដាលដូចផ្យិត នៅក្នុងស្រុកបសេដ្ឋនេះបានយ៉ាងនេះ រឺមួយដូចពាក្យប្រជាពលរដ្ឋនិយាយតៗគ្នាថា បើមិនបណ្ដោយអោយដាក់ម៉ាស៊ីនខ្នាតយក្យច្រើនយ៉ាងនេះមិចកេីត បើដឹកឈើចូលរោងម៉ាស៊ីនសំរាប់អាក៏ត្រូវប្រាប់ និងបង់លុយជូនលោកមេព្រៃ ដឹកចេញក៏ប្រាប់លោកមេព្រៃ ហើយបើដាក់ម៉ាស៊ីនខ្នាតនេះ បើមិនជំរាបជូនមេព្រៃមុន តេីអ្នកណាហ៊ានដាក់បាន។
បើពិតដូចជាប្រជាពលរដ្ឋនិយាយថាចឹងមែននោះ វាមិនចំឡែកអ្វីទេ?ដែលនៅក្នុងស្រុកបសេដ្ឋនេះ កេីតមានរោងម៉ាស៊ីនអាឈើខ្នាតយក្យច្រើនយ៉ាងនឹង កេីតមានក្នុងភូមិស្រុកខាងលើនេះ ច្រើនបែបនេះ ព្រោះវាជាប្រយោជន៍ជាឆ្នាំងបាយយ៉ាងធំរបស់មេព្រៃ ក្នុងស្រុក ខេត្ដនឹងតែម្ដង។
បងប្អូនប្រជាពលរដ្ឋកំពុងតែ នាំគ្នារងចាំមេីលថា តេីលោកខាងជំនាញរដ្ឋបាលព្រៃឈើ មានវិធានការបង្ក្រាបរោងម៉ាស៊ីនប៉ុន្មានទីតាំងទៀត នៅភូមិ ឃុំខាងលើនោះបន្តដែរឫទេ? រឺចាំតែកំលាំងអាវុធហត្ថលើផ្ទៃប្រទេស មកបង្ក្រាបប្រគល់ជូនចាំតែទទួលស្រាប់ៗ សូមលោកអភិបាល នៃគណៈអភិបាលខេត្ដកំពង់ស្ពឺ លោកមេត្តាមានវិធានការបង្ក្រាបឲ្យបានក្ដៅគគុកផងកុំរង់ចាំតែថ្នាក់លើស្រែកបានអនុវត្តន៍។
ធ្វើសេចក្ដីរាយការណ៍ពីខេត្តកំពង់ស្ពឺដោយលោក ផែង ផល្លិត គេហទំព័រខ្មែរអច្ឆរិយៈ http://www.khpress.net