ខេត្តមណ្ឌលគិរី ស្រុកពេជ្រាដា
ចេញផ្សាយថ្ងៃសៅរ៍ ០៤ករីត ខែផល្គុន ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៩ខែមិីនា ឆ្នាំ២០១៩ !
នៅពេលបច្ចុប្បន្ននេះតាមប្រភពព័ត៌មានបានឲ្យដឹងថា លោកអនុសេនីយ៍ឯក ផុន មករា ហៅមៀក មានអត្តលេខ ៥៣៤១៣ មានតួនាទីជាប្រធានប៉ុស្តិបាតឹង ក្នុងស្រុកពេជ្រាដា ខេត្តមណ្ឌលគិរី ចំណុះឲ្យវរការពារព្រំដែន៣០៣ កំពុងរកស៊ីបទល្មើសព្រៃឈើ និងបើកដៃឲ្យឈ្មួញចូលកាប់បំផ្លាញព្រៃឈើនៅក្នុងចំណុចភ្នំម៉ូរូលូងក្នុងព្រៃការពារដែនជំរកណាមលៀ ព្រមទាំងជំរិតទាប្រាក់ពីឈ្មួញរកស៊ីចេញចូលតាមច្រករបស់ខ្លួនមានទាំងឈ្មួញវៀតណាមទៀតផងដែរយ៉ាងពេញបន្ទុក។
បើតាមប្រភពព័ត៌មានពីប្រជាសហគមវិញបានឲ្យដឹងថា នៅច្រកប៉ុស្តិបាតឹងនេះមានឈ្មួញដឹកឈើចេញយកទៅលក់ឲ្យឈ្មួញវៀតណាមរាល់ថ្ងៃរាល់យប់តាមម៉ូតូជាច្រើនគ្រឿង និងតាមរថយន្តកែច្នៃឡង់គ្រីស័រ ដោយមានគោយន្តកន្ត្រៃដឹកជញ្ជូនចេញពីក្នុងព្រៃការពារដែនជំរកណាមលៀ យកមកដាក់តាំងបរដល់ផ្លូវស្រួលទើបយករថយន្តមកសាងរួចដឹកយកទៅលក់ឲ្យឈ្មួញវៀតណាមនៅព្រំដែនយ៉ាងរលូន។
តាមប្រភពព័ត៌ពីមន្ត្រីមួយចំនួនសូមមិនបញ្ចេញឈ្មោះបានបង្ហើបឲ្យដឹងថា លោកអនុសេនីយ៍ឯក ផុន មករា ហៅមៀក កំពុងផ្គើនទៅនឹងអនុសាស្ត្ររបស់សម្តេចក្រឡាហោម ស ខេង ឧប្បនាយករដ្ឋមន្ត្រី រដ្ឋមន្ត្រីក្រសួងមហាផ្ទៃយ៉ាងខ្លាំង ហេីយហ៊ានរកស៊ីធ្វើអ្វីៗបានតាមអំពេីចិត្តរាល់ថ្ងៃនេះត្រូវបានមតិមហាជនដាក់ការសង្ស័យថា ដោយមានការឃុបឃិតបើកភ្លេីងខៀវពីលោកវរសេនីយ៍ទោ ទិន ស៊ីន ហៅឆ្នៅ ជាមេបញ្ជាការវរការពារព្រំដែនប៉ូលីស៣០៣ជាអ្នកឈរកាងពីក្រោយខ្នងបង្អែកដ៏រឹងមាំក្នុងកិច្ចការរបស់លោកផុន មករា។
ចំពោះករណីនិងទង្វេីរាល់ថ្ងៃរបស់លោកផុន មករា ហៅមៀក តើមន្ត្រីជំនាញលោក វុធ សារុំ នាយដែនជំរកព្រៃការពារណាមលៀ លោកបានជ្រាបកណីនេះដែរឫទេ? ជាពិសេសឯកឧត្ដមឧត្ដមសេនីយ៍ទោ ឡោ សុខា ស្នងការនគរបាលខេត្តលោកបានដឹងព័ត៌មាននេះឫទេ? បើមិនទាន់បានដឹងទេនោះសូមលោកមានវិធានការបង្ក្រាបផង។
