ខេត្តមណ្ឌលគិរី
ចេញផ្សាយថ្ងៃសុក្រ ១០រោជ ខែមាឃ ឆ្នាំច សំរឹទ្ធិស័កព.ស.២៥៦២ ត្រូវនឹងថ្ងៃទី ០១ខែមិនាឆ្នាំ២០១៩
នាព្រឹកថ្ងៃទី០១ ខែមិនា ឆ្នាំ២០១៩នៅសាលប្រជុំសាលាខេត្តមណ្ឌលគិរី ក្រោមអធិតីភាព ឯកឧត្តម ស្វាយ សអ៊ាង អភិបាល នៃគណៈអភិបាលខេត្ត បានបានបើកកិច្ចប្រជុំបន្ទាន់មួយជាមួយអង្គភាពមន្ទីរពាក់ព័ន្ធនានា អាជ្ញាធម៌ដែនដី និងគណៈកម្មាធិការគ្រប់គ្រងភ្នំដោះក្រមុំ ដើម្បីរកដំណោះស្រាយ លើករណីដីភ្នំដោះក្រមុំ ដែលរងការទន្ទ្រានពីជនខិតខូចមួយចំនួនកន្លងមក។
ក្នុងកិច្ចប្រជុំដែលចំណាយពេលជាង៥ម៉ោង រវាងអាជ្ញាធរខេត្តរួមនឹងភាគីពាក់ព័ន្ឋនានាបានរកឃើញដីនៅជាយជើងភ្នំដោះក្រមុំត្រូវបានគេធ្វើរបងព័ទ្ឋយកជាកម្មសិទ្ឋផ្ទាល់ខ្លួនទោះមានការរារាំងពីមន្ត្រីមូលដ្ឋានក៏ដោយ។ ឯកឧត្តម ស្វាយ សំអ៊ាង បានថ្លែងថា ករណីនេះខេត្តតែងតែបានប្រជុំរកដំណោះស្រាយជាច្រើនដងហើយ នឹងបានដោះស្រាយជាបន្តបន្ទាប់។
រហូតមកដល់ពេលនេះ ដីទាំងនោះពិតជាបាត់បង់មែន តែការបាត់បង់នោះគឺអាជ្ញាធរបានដោះស្រាយជូនប្រជាពលរដ្ឋជាក់ស្តែងហើយរីឯដីមួយចំនួនត្រូវបានរាជរដ្ឋាភិបាលចេញ ស ជ ណ កាត់ទៅឲ្យអង្គភាពទឹកស្អាតដើម្បីប្រយោជន៏ផ្គត់ផ្គង់ដល់ប្រជាជនក្នុងក្រុងសែនមនោរម្យទាំងមូល។
ឯកឧត្តម អភិបាលខេត្តបានបន្តថា កាលពីឆ្នាំ២០០៤ ពេលដែលភ្នំដោះក្រមុំត្រូវបានស្នើរសុំដាក់បញ្ជូលជាតំបន់ មជ្ឈមណ្ឌលវប្បធម៌ជនជាតិ ដែលមានទំហំសរុប១០១ហិចតា ។ តែដោយការចន្លោះប្រហោងទំហំផ្ទៃដីមជ្ឈមណ្ឌលជនជាតិឬភ្នំដោះក្រមុំនេះ នៅសល់ទំហំ៩១ហិតតា នាឆ្នាំ២០១២ នឹងបន្តនៅសល់ត្រឹម៨៥ហិតតាក្នុងឆ្នាំ២០១៩នេះ។
បើតាមការលើកឡើងក្នុងកិច្ចប្រជុំខាងលើ ផ្ទៃដីដែលបានបាត់បង់ភាគច្រើនគឺបណ្តាលមកពីការព័ទ្ឋយកពីប្រជាជនដែលសង់របងលួចចូលដីរបស់មជ្ឈមណ្ឌលជនជាតិនេះ។យោងសម្តីផ្ទាល់របស់ប្រធានមន្ទីរដែនដី នគររូនីយកម្ម នឹងសំណង់ លោក ម៉ៅ ចម្រើន បានឲ្យដឹងថា បន្ទាប់ពីធ្វើបច្ចុប្បន្នភាពលើទីតាំងនោះផ្ទាល់ ដីភ្នំដោះក្រមុំមានផ្ទៃដី៨៥ហិចតា នឹងមានព្រំជុំវិញប្រវែង៤៥០០ម៉ែត្រ ហើយមន្ទីរបានស្នើរសុំគោលការឯកភាពពីថ្នាក់ដឹកនាំដើម្បីកាត់ខ្វៀលដីជូនប្រជាពលរដ្ឋដែលកាន់កាប់កន្លងមក នឹងបោះបង្គោលព្រំដីជាក់លាក់ជៀសវាងការរំលោភនៅថ្ងៃក្រោយ។
ជាចុងក្រោយឯកឧត្តម អភិបាលខេត្តបានបន្តថា ជាគោលការណ៍រួមអាជ្ញាធរខេត្តរួមគ្នាបង្កេីតគណកម្មការដេីម្បីដោះស្រាយករណីវិវាទដីធ្លីដែលកេីតមានរាំរៃមកហេីយនោះដូចជា:
– ដីកប់ខ្មោចចំនួន០៩ថ្នូរទំហំ០១ហិតតានៅភូមិចំការតែ
– ដីចំការស្រល់នៅស្រុកអូររាំង។
– ពិសេសដីភ្នំដោះក្រមុំ អោយបានចប់ឆាប់រហ័សបំផុតដោយមិនអាចពន្យាពេលតទៅទៀតបានទេដេីម្បីធ្វើរបាយការណ៍ជូនទៅប្រមុខរាជរដ្ឋាភិបាល។
ដោយគេហទំព័រខ្មែរអច្ឆរិយ: http://www.khpress.net
