ខេត្តរតនគិរី ៖
ចេញផ្សាយថ្ងៃច័ន្ទ ១៤កើត ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៨ ខែកុម្ភៈ ឆ្នាំ២០១៩
នៅថ្ងៃទី១៨ ខែកុម្ភៈឆ្នាំ២០១៩ នាយឧត្តមសេនីយ៍ សៅ សុខា អគ្គមេបញ្ជាការរងកងយោធពលមេខរភូមិន្ទ និងជាមេបញ្ចាការកងរាជអាវុធហត្ថលើផ្ទៃប្រទេសបានអញ្ជើញជាអធិបតីដ៏ខ្ពង់ខ្ពស់ក្នុងពិធីប្រកាសតែងតាំងមេបញ្ជាការកងរាជអាវុធហត្ថខេត្តរតនគិរី។
ពិធីប្រកាសតែងតាំងមុខតំណែងមន្ត្រីអាវុធមានការអញ្ជើញចូលរួមជាកិត្តិយសពីសំណាក់ ឯកឧត្តម ណាប់ ប៊ុនហេង ប្រធានក្រុមប្រឹក្សាខេត្ត ឯកឧត្តម ថង សាវុន អភិបាលនៃគណៈអភិបាលខេត្តរតនគិរី ព្រមទាំងមានការអញ្ជើញចូលរួមពីសំណាក់លោកឧត្តមសេនីយ៍ទោ មេបញ្ជាការតំបន់ប្រតិបត្តិការសឹករងខេត្ត ស្នងការ អស់លោកលោកស្រីប្រធានអនុប្រធានមន្ទីរជុំវិញខេត្ត នាយទាហាននៃទីបញ្ជាការកងរាជអាវុធហត្តខេត្តជាច្រើនរូបផងដែរ ។
យោងតាមប្រកាសរបស់ក្រសួងការពារជាតិលេខ៤២៣.ត.ត០២១៩ ចុះថ្ងៃទី១៤ ខែកុម្ភៈឆ្នាំ២០១៩ ស្តីពីការតែងតាំងមុខងារនាយទាហាន បានសម្រេចតែងមុខងារជូនឧត្តមសេនីយ៍ត្រី ថាវ យ៉េន មេបញ្ជាររងនិងជានាយសេនាធិការបញ្ជាការដ្ឋានកងរាជអាវុធហត្ថខេត្តរតនគិរីបច្ចុប្បន្នជាមេបញ្ជា
ការរដ្ឋានកងរាជអាវុធខេត្តរតនគិរី ។
ដោយគេហទំព័រ ” ខ្មែរអច្ឆរិយ: ”
http://www.khpress.net
