ខេត្តមណ្ឌលគិរី ៖
ចេញផ្សាយថ្ងៃច័ន្ទ ១៤កើត ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៨ ខែកុម្ភៈ ឆ្នាំ២០១៩
នៅព្រឹកថ្ងៃច័ន្ទ១៤កើត ខែមាឃ ឆ្នាំច សំរិទ្ធស័ក ព.ស២៥៦២ ត្រូវនិងថ្ងៃទី១៨ ខែគុម្ភៈ ឆ្នាំ២០១៩ នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស បានអញ្ជើញជាអធិបតីក្នុងពិធីបញ្ចុះបឋមសិលាបេីកការដ្ឋានសាងសង់អាគារេសនាធិការដ្ឋានថ្មីនៅបញ្ជាការដ្ឋានកងរាជអាវុធហត្ថខេត្តមណ្ឌលគិរី។
នាយឧត្តមសេនីយ៍បានមានប្រសាសន៍ថ្លែងក្នុងពិធីនេះថា មេបញ្ជាការគ្រប់ជាន់ថ្នាក់នៃកងរាជអាវុធហត្ថត្រូវធ្វើការដឹកនាំគ្រប់គ្រងបញ្ជាកម្លាំងក្រោមឱវាទឲ្យបានល្អ ប្រសេីរដើម្បីចូលរួមចំណែក និងសហការណ៍ជាមួយអាជ្ញាធរមូលដ្ឋាន និងសមត្ថកិច្ចនានាជាប្រចាំថែរក្សាការពារសណ្ដាប់ធ្នាប់ សន្តិសុខសង្គម និងត្រូវបង្ក្រាបបទល្មើសផ្សេងៗដែលកើតមានពិសេសបទល្មេីសព្រៃឈេីអោយបានជោគជ័យ។
នាយឧត្តមសេនីយ៍បានបន្តទៀតថា ការដឹកនាំកងទ័ពត្រូវអប់រំហ្វឹកហ្វឺនកងទ័ពឲ្យមានសមត្ថភាពគ្រប់គ្រាន់ មានអត្តចរឹកត្រឹមត្រូវ សីលធម៌ស្អាតស្អំ យល់ច្បាស់អំពីកាតព្វកិច្ច ភារកិច្ចតួនាទីដោយស្មោះត្រង់ចំពោះ ជាតិ សាសនា ព្រះមហាក្សត្រ ហ៊ានលះបង់គ្រប់កាលៈទេសៈដែលជាតិត្រូវការ។
បន្ថែមពីនេះទៀតការកសាងអង្គភាពត្រូវឲ្យមានការរីកចម្រើនមានកន្លែងធ្វើការសមរម្យមានសណ្ដាប់ធ្នាប់ ការកសាងអាគារអង្គភាពត្រូវមានរចនាបថជាខ្មែរ។ លោកបន្តថាការចិញ្ចឹមទ័ពត្រូវថែរក្សាសុខភាព ថែទាំគ្រឿងបំពាក់ សំលៀកបំពាក់និងមានកន្លែងស្នាក់នៅត្រឹមត្រូវ និងត្រូវថែទាំសម្បត្តិរបស់អង្គភាពឲ្យបានគង់វង្សល្អជានិច្ច។
នាយឧត្តមសេនីយ៍បានរំលឹកបន្ថែមថា ការដឹកនាំកងទ័ពត្រូវធ្វើតាមពាក្យស្លោក (កងទ័ពជាកូនចៅប្រជាជន ) ធ្វើអ្វីៗទាំងអស់ដើម្បីប្រជាជន ពេលមកនៅឲ្យប្រជាជនស្រលាញ់ ពេលទៅអោយប្រជាជននឹក ត្រូវមានទំនាក់ទំនងល្អជាមួយ អាជ្ញាធរ ជាមួយមហាជន និងជាមួយសមត្ថកិច្ចគ្រប់ស្ថាប័ណ។
ឧត្តមសេនីយ៍ត្រី ហែម បូណារ៉ែល មេបញ្ជាការកងរាជអាវុធហត្ថខេត្តមណ្ឌលគិរីបានឲ្យគេហទំព័រខ្មែរអច្ឆរិយ:ដឹងថា ការកសាង និងពិធិបញ្ចុះបឋមសិលាសាងសង់អាគារសេនាធិការដ្ឋានថ្មីនេះ គឺមានការណែនាំ និងបញ្ជាដោយផ្ទាល់ពី នាយឧត្តមសេនីយ៍ សៅ សុខា មេបញ្ជាការរងនៃកងយោធពលខេមរភូមិន្ទនិងជាមេបញ្ជាការកងរាជអាវុធហត្ថលើផ្ទៃប្រទេស ក្នុងគោលបំណងអោយសេនាធិការដ្ឋានកងរាជអាវុធហត្ថខេត្តមណ្ឌលគិរី មានកន្លែងធ្វើការត្រឹមត្រូវដើម្បីឆ្លើយតបទៅតាមសំណូមពរ និងសេចក្តីត្រូវការស្របតាមការវិវឌ្ឍន៍ និងរីកចម្រើនរបស់អង្គភាពកងរាជអាវុធហត្ថពីមួយថ្ងៃទៅមួយថ្ងៃ។
ឧត្តមសេនីយ៍ត្រី ហែម បូណារ៉ែលបន្តទៀតថា អាគារថ្មីនេះ មានទំហំបណ្ដោយប្រវែង ៥៦ ម៉ែត្រនិង ទទឹង ១១ម៉ែត្រ និង(មានវេរ៉ងដា) ទំហំ ៧ម៉ែត្រ គុណ ៨ ម៉ែត្រ មានកំពស់៣ជាន់ រយះពេលសាងសង់ចំនួន០២ឆ្នាំ ដោយចំណាយថវិការសរុប៦៥ម៉ឺនដុល្លាអាមេរិច។ ក្នុងនោះថវិការរបស់ នាយឧត្តមសេនីយ៍ សៅ សុខា ១០ ម៉ឺនដុល្លា រួមនិងថវិការរបស់ ឯកឧត្តមអភិបាលខេត្តមណ្ឌលគិរី០១ម៉ឺនដុល្លាផងដែរ ៕
ដោយគេហទំព័រ” ខ្មែរអច្ឆរិយៈ ”
http//:www.khpress.net
