ខេត្តបន្ទាយមានជ័យៈ ក្រុងប៉ោយប៉ែត ៖
ចេញផ្សាយថ្ងៃច័ន្ទ ០៧កើត ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១១ខែកុម្ភៈឆ្នាំ២០១៩
នៅថ្ងៃចន្ទ័ទី១១ ខែគុម្ភៈ ឆ្នាំ២០១៩នេះប្រជាពលរដ្ឋ៤៤គ្រួសារ រស់នៅក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បានកើតទុក្ខមិនសុខចិត្ដបាននាំគ្នាផ្ដិតស្នាមមេដៃប្ដឹងលោក តាន់ គឹមរឹទ្ធ មានតួនាទីជាក្រុមព្រឹក្សារក្រុងប៉ោយប៉ែត និងជានាយកក្រុមហ៊ុនសំណង់ បុរី និងផ្ទះល្វែង ឈ្មោះ តារឹទ្ធអ៊ីនវេសន៍មែន និងក្រុមហ៊ុន សំរឹទ្ធពៅ ដែលបានបិទផ្លូវដែលពួកគាត់ធ្លាប់ ប្រើប្រាស់នៅលើផ្លូវមួយខ្សែរនេះជិត១០ឆ្នាំកន្លងមកហើយ។
ប្រជាពលរដ្ឋទាំង៤៤គ្រួសារដែលបាននាំគ្នាផ្ដឹតស្នាមមេដៃនៅលើពាក្យបណ្ដឹង ប្ដឹងលោកតាំងគឹម រឹទ្ធ ជាក្រុមព្រឹក្សាក្រុងប៉ោយប៉ែត ទៅសាលាក្រុង អោយលោក សាន ស៊ាន ហូរ អភិបាលក្រុងក្រុងប៉ោយប៉ែតជួយរកដំណោះស្រាយ និងជួយរកយុត្តិធម៌ជួនដល់ពួកគាត់តាមផ្លូវច្បាប់ផង។
ប្រជាពលរដ្ឋបានប្រាប់ឲ្យអង្គភាពគេហទំព័រខ្មែរអច្ឆរិយ:យេីងដឹងថាលោក តាន់ គឹមរឹទ្ធ បានត្រូវរ៉ូវគ្នា ជាមួយនិងក្រុមការងារវាស់វែងជាលក្ខណៈប្រពន្ធ ធ្វើបណ្ណ័កម្មសិទ្ធ ដែលបានវាស់វែងយកផ្លូវ ធ្វើជាកម្មសិទ្ធនិងបិទផ្លូវមិនអោយប្រជាពលរដ្ឋប្រើប្រាស់បន្តរទៅទៀត ដែលពួកគាត់បានប្រើប្រាស់អស់រយៈពេលជិត១០ឆ្នាំមកហេីយនោះ។
ប្រជាពលរដ្ឋបន្ថែមទៀតថា លោកតាន់គឹមរឹទ្ធ ជាក្រុមព្រឹក្សាក្រុង និងជាអ្នកមានទ្រព្យសម្បត្តិ មានទាំងក្រុមហ៊ុនបុរីនិងក្រុមហ៊ុនផ្ទះល្វែង នៅតែមានគំនិតលោភលន់ស្មោគរោគ បំពានយកដីផ្លូវដែលពួកគាត់កំពុងតែប្រើប្រាស់សព្វថ្ងៃដោយគ្មានការអៀនខ្មាស់ អីបន្តិចសោះ នេះក៍ដោយសារតែដីមានតំលៃហាងឆេងខ្ពស់នាបច្ចុប្បន្ននេះ។
លោកអនុភូមិសាមគ្គីមានជ័យ បានអោយដឹងថា ដីនេះគឺជាតំបន់ជម្លោះធ្ងន់ធ្ងរដែលបានបាញ់សម្លាប់មនុស្សអស់៥នាក់កាលពីឆ្នាំ២០០៦ក្រោយមកប្រមុខរាជរដ្ឋាភិបាលបានកាត់ដីនេះបែងចែក អោយប្រជាពលរដ្ឋមួយភាគ ហើយលោក តាន់គឹម រឹទ្ធ បានទិញដីនេះមួយភាគពីប្រជាពលរដ្ឋហើយលោកតាន់គឺម រឹទ្ធ បានធ្វើរបងបិទមួយលើករួចមកហើយនៅពេលទិញដីបាន ក្រោយមកប្រជាពលរដ្ឋអត់មានផ្លូវធ្វើតំណើរ ក៍បានធ្វើសំណើរទៅអាជ្ញាធរក្រុងសង្កាត់ កាលពីលោក ង៉ោ ម៉េងជ្រួន នៅជាចៅហ្វាយក្រុងប៉ោយប៉ែត និងបានសម្រេចឯកភាពបើកផ្លូវមួយខ្សែរនេះទុកជាផ្លូវសាធារណៈឡើងវិញរហូតមកដល់សព្វថ្ងៃនេះត្រូវលោក តាន់ គឹមរឹទ្ធ ធ្វើការបិទផ្លូវសាជាថ្មី។
លោកតាន់ គឹមរឹទ្ធ បានអោយក្រុមការងារយើងដឹងថា ដីនេះប្រភេទដើមជាដីចំការ ចែកដាច់ពីប្រជាពលរដ្ឋចំនួន១៨គ្រួសារនិងដីរបស់លោក បើចឹងដីរបស់គាត់បានធ្វើរបងឃាំងដូចដីតាំងគឹមហេង ចឹងដែ កាលនោះ លោក ង៉ោ ម៉េងជ្រួន នៅជាអភិបាលក្រុងប៉ោយប៉ែត ដោយលោកបានឃើញផលលំបាករបស់ប្រជាពលរដ្ឋនៅទីនោះមានការលំបាកក្នុងការរំដោះទឹកស្អុយនិងការធ្វើតំណើរលោកក៍បានទុកផ្លូវមួយម៉ែតកាយទ្រូងដាក់លូរំដោះទឹកស្អុយព្រមទាំងទំលាយបេតុងរបងអោយពួកគាត់ធ្វើចរាចរណ៍បាន និងមិនបានបិទផ្លូវដូចដែលអ្វីដែលប្រជាពលរដ្ឋបានដាក់ពាក្យបណ្ដឹងលោកនោះទេ៕
ដោយគេហទំព័រខ្មែរអច្ឆរិយ: http://www.khpress.net
