ខេត្តសៀមរាប ៖
ចេញផ្សាយថ្ងៃពុធ ២កើត ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹង ថ្ងៃទី ០៦ ខែកុម្ភៈឆ្ឆ្នាំ២០១៩
នៅវេលាម៉ោង៩.៥៥នាទីថ្ងៃទី០៦ ខែកុម្ភៈ ឆ្នាំ២០១៩ កម្លាំងនគរបាលការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តសៀមរាបបានសហការជាមួយកម្លាំងសមត្ថកិច្ចពាក់ព័ន្ធ ផ្អាកការធ្វើដំណើរចេញពីប្រទេសកម្ពុជារបស់ជនជាតិរ៉ូមោនីម្នាក់ដោយសង្ស័យរត់ពន្ធគ្រឿងញៀន ជនជាតិរ៉ូមោនីនេះ មានឈ្មោះ OLARU NARCIS-MANUEL ដែលត្រូវចេញដំណើរទៅទីក្រុងហុងកុង ប្រទេសចិន តាមជើងហោះហើរលេខ KA-249 (REP-HKG)។
ក្នុងករណីសង្ស័យរត់ពន្ធគ្រឿងញៀនដោយយោងតាមការត្រួតពិនិត្យនិងធ្វើតេស្តិ៍បឋមជាមួយកងកម្លាំងសមត្ថកិច្ចពាក់ព័ន្ធ រកឃើញសារធាតុក្រាមពណ៌សសង្ស័យជាសារធាតុញៀន ដែលសាមីខ្លួនបានដាក់ក្នុងកញ្ចប់ថង់ប្លាស្ទីករាងសំប៉ែត០៤ជ្រុងចំនួន០៤បន្ទះលាក់ទុកក្នុងបាតកាបូបស្ពាយខ្នងចំនួន០៤បន្ទះផ្សេងងគ្នាដែលជាប្រភេទគ្រឿងញៀនមេតំហ្វេតាមីនដែលមានទម្ងន់ ៥.០២០ក្រាមដោយក្នុងនោះ
– កញ្ចប់ទី១ មាន១.២១០ក្រាម
– កញ្ចប់ទី២ មាន១.៣៥០ក្រាម
– កញ្ចប់ទី៣ មាន១.២១០ក្រាម
– កញ្ចប់ទី៤ មាន១.២៥០ក្រាម
បច្ចុប្បន្នជនសង្ស័យ និងវត្ថុតាងត្រូវបានឃាត់ខ្លួនប្រគល់ជូនកម្លាំងស្នងការដ្ឋាននគរបាខេត្តសៀមរាបដើម្បីចាត់ការទៅតាមនីតិវិធី៕
ដោយគេហទំព័រខ្មែរអច្ឆរិយ:
http:// www.khpress.net