រាជធានីភ្នំពេញ ៖
ចេញផ្សាយថ្ងៃពុធ ០២កើត ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ០៦ ខែកុម្ភៈឆ្នាំ២០១៩
សម្តេចតេជោប្រមុខរាជរដ្ឋាភិបាលបានគូសបញ្ជាក់នៅលើ Facebook ថាសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃពុធ ទី០៦ ខែកុម្ភៈ ឆ្នាំ២០១៩នេះ បានធ្វើការប្តេជ្ញាចិត្តជាថ្មីក្នុងការធានារក្សាឲ្យបាននូវសុខសន្តិភាពដែលកំពុងគ្រប់ដណ្តប់ទូទាំងផ្ទៃប្រទេសកម្ពុជានាពេលបច្ចុប្បន្នដោយមិនអនុញ្ញាតឲ្យសង្គ្រាមវិនាសកម្មបំផ្លាញប្រទេសបំផ្លាញក្តីសុខប្រជាពលរដ្ឋកើតមានជាថ្មីនោះឡើយ។
ទម្រាំយើងមានឱកាសបានអភិវឌ្ឍរហូតមានកំណើនសេដ្ឋកិច្ចរឹងមាំល្អ និងមានសន្តិសុខ សង្គមល្អព្រមទាំងមានការទាក់ទាញវិនិយោគទុន និងទេសចរណ៍បរទេសកាន់តែច្រើន គឺយើងបានខិតខំប្រឹងប្រែងនិងធ្វើពលីកម្មខ្លាំងណាស់ ហើយក៏គ្មាននរណាប្រឹងជំនួស យើងទេ បើយើងមិនប្រឹងដោយខ្លួនឯង។
សម្តេចតេជោបន្តថា ច្បាស់ណាស់កាលណាប្រទេសជាតិកាន់តែរីកចម្រើនប្រជាពលរដ្ឋក៏កាន់តែមានឱកាសទទួលបាននូវផលប្រយោជន៍ពីការរីកចម្រើននៃប្រទេសជាតិកាន់តែច្រើនឡើងផងដែរ។ នៅក្រោមការដឹកនាំរបស់ខ្ញុំ គឺដាច់ខាតមិនអោយកម្ពុជាវិលទៅរកសង្គ្រាមវិនាសកម្មសារជាថ្មីឡើយ ទោះបីក្នុងរូបភាពណាក៏ដោយ។
សម្តេចតេជោនាយករដ្ឋមន្ត្រី បានអរគុណជនរួមជាតិដែលបានចូលរួមថែរក្សាសន្តិភាពនិងរួមចំណែកអភិវឌ្ឍន៍ប្រទេសជាតិឲ្យកាន់តែរីកចម្រើនទៅមុខ។ សម្តេចតេជោ ហ៊ុន សែន ក៏បានកត់សម្គាល់ផងដែរថា ម្លប់នៃសុខសន្តិភាពនៅកម្ពុជា បានធ្វើឲ្យប្រជាពលរដ្ឋខ្មែរជាប់សែស្រឡាយចិន បានជួបជុំក្រុមគ្រួសារ និងដើរលេងកម្សាន្តយ៉ាងសប្បាយរីករាយក្នុងឱកាសបុណ្យចូលឆ្នាំថ្មីប្រពៃណីរបស់ជនជាតិចិននេះ។
ដោយគេហទំព័រខ្មែរអច្ឆរិយ: http://www.khpress.net
