ខេត្តមណ្ឌលគិរី ៖
ចេញផ្សាយសៅរ៍ ១៣រោច ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០២ ខែមករា ឆ្នាំ២០១៩
ឯកឧត្តម សូ ខនឬទ្ធីគុណ រដ្ឋលេខាធិការក្រសួង បរិស្ថានរួមដំណើរដោយឯកឧត្តម រ័ត្ន វិរៈ និងឯកឧត្តម សេន ណាស៊ី អនុរដ្ឋលេខាធិការក្រសួងបរិស្ថាន កាលពីថ្ងៃសុក្រ ១២រោច ខែបុស្ស ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០១ ខែកុម្ភៈ ឆ្នាំ២០១៩ បានដឹកនាំក្រុមការងារក្រសួងបរិស្ថានចុះសំណេះសំណាលនិងសាកសួរសុខទុក្ខមន្ត្រីឧទ្យានុរក្សនៅតាមស្នាក់ការអភិរក្សនៃដែនជម្រកសត្វព្រៃស្រែពក។
ឯកឧត្តមរដ្ឋលេខាធិការ និងអនុរដ្ឋលេខាធិការក្រសួងបរិស្ថាន បានផ្ដាំផ្ញើការសាកសួរសុខទុក្ខពីសំណាក់ឯកឧត្តម សាយ សំអាល់ រដ្ឋមន្ត្រីក្រសួងបរិស្ថានដល់បងប្អូនមន្ត្រីឧទ្យានុរក្ស និងមន្ត្រីរួមសហការណ៍ទាំងអស់ ដែលបាននិងកំពុងបំពេញភារកិច្ចដើរល្បាត ដើម្បីការពារ និងអភិរក្សធនធានធម្មជាតិក្នុងតំបន់ការពារធម្មជាតិនានាក្នុងភូមិសាស្ត្រខេត្តមណ្ឌលគិរី រួមទាំងការជំរុញនិងលើកទឹកចិត្តដល់បងប្អូនទាំងអស់ ជាពិសេសការរក្សានូវសាមគ្គីភាព និងភាតរភាព ប្រៀបដូចពាក្យស្លោកមួយឃ្លាពោលថា «នៅផ្ទះម្ដាយទីទៃ ទៅព្រៃម្ដាយតែមួយ»។
ក្នុងឱកាសជួបសំណេះសំណាលនេះ ឯកឧត្តមរដ្ឋលេខាធិការ និងអនុរដ្ឋលេខាធិការ រួមទាំងក្រុមការងារ បានចូលរួមពិសាបាយសាមគ្គីជាមួយនឹងបងប្អូនមន្ត្រីឧទ្យានុរក្ស និងមន្ត្រីរួមសហការណ៍ទាំងអស់គ្នាក្នុងបរិយាកាសយ៉ាងស្និទ្ធស្នាលបំផុតដោយក្ដីរីករាយ និងគោរពស្រឡាញ់។
ដោយគេហទំព័រខ្មែរអច្ឆរិយ:(http://www.khpress.net)