មណ្ឌលគិរី : ស្រុកកែវសីមា
ចេញផ្សាយរសៀលថ្ងៃសៅរ៍ ៦រោច ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៦ ខែមករា ឆ្នាំ២០១៩
នៅរសៀលថ្ងៃទី២៦ខែមករាឆ្នាំ២០១៩ឧត្តមសេនីយ៍ទោ ឡោ សុខា ស្នងការនគរបាលខេត្តព្រមទាំងលោក លោកស្រី ស្នងការរង លោក លោកស្រី នាយការិយាល័យ លោកអធិការនគរបាលក្រុង-ស្រុកទាំង០៥ លោកមេបញ្ជាការវរសេនាតូចនគរបាលករពារព្រំដែនគោកទាំងពីរ និងមន្ត្រីនគរបាល នៃស្នងការដ្ឋាននគរបាលខេត្តមណ្ឌលគិរី បានអញ្ជើញចូលរួមគោរពវិញ្ញាណក្ខ័ន្ធសពលោកវរសេនីយ៍ឯក កែវ សុធា ជាមេបញ្ជាការរងវរសេនាតូចនគរបាលការពារព្រំដែនគោកលេខ៦២១ នៃស្នងការដ្ឋាននគរបាលខេត្តមណ្ឌលគិរី ដែលបានទទួលមរណៈភាពកាលពីថ្ងៃទី២៥ ខែមករា ឆ្នាំ២០១៩ ស្ថិតក្នុងភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី។
ឧត្ដមសេនីយ៍ទោ ឡោ សុខា ព្រមទាំងកងកំលាំងទាំងអស់បានឧបត្ថម្ភថវិកាចំនួន ៦,០០០,០០០៛ (ប្រាំមួយលានរៀល) ដែលជាថវិកាផ្ទាល់របស់លោកស្នងការ ស្នងការរង នាយការិ. អធិការ មេបញ្ជាការវរៈ និងមន្ត្រីនគរបាល និងគ្រឿងឧបភោគ បរិភោគមួយចំនួនដល់គ្រួសារនៃសពផងដែរ៕
ដោយសារព័ត៌មាននិងគេហទំព័រ” ខ្មែរអច្ឆរិយ: ” http://www.khpress.net
