មណ្ឌលគីរី ៖
ចេញផ្សាយថ្ងៃអាទិត្យ ១៥កើត ខែបុស្ស ឆ្នាំច សំរឹទិ្ធស័ក ព.ស២៥៦២ ត្រូវថ្ងៃទី២០ ខែមករា ឆ្នាំ២០១៩ …!!!
នៅថ្ងៃទី១៩ ខែមករា ឆ្នាំ២០១៩ វេលាម៉ោង៣និង១០នាទីទាបភ្លឺ នៅចំនុចភូមិសាស្ត្រ ឃុំប៊ូស្រា ស្រុកពេជ្រាដា កម្លាំងកងរាជអាវុធហត្ថខេត្តមណ្ឌលគីរីសហការណ៍ជាមួយកម្លាំងកងរាជអាវុធហត្ថលើផ្ទៃ ប្រទេសចំនួន០៩នាក់ ដឹកនាំដោយលោកវរៈសេនីយ៍ឯក ភោគ ចន្ធី មេបញ្ជាការរងនិងជាប្រធានមន្ទីរស្រាវជ្រាវ យុត្តិធម៌បានបង្ក្រាបបទល្មើព្រៃឈើជាក់ស្តែង ចំនុចភូមិសាស្ត្រខាងលើបានចំនួន២៣ដុំមិនទាន់វាស់វែងជាប្រភេទឈើ សុក្រំ និងស្រឡៅ។
លោកវរៈសេនីយ៍ឯក ភោគ ចន្ធី បានប្រាប់អង្គភាពខ្មែរអច្ឆរិយៈឲ្យដឹងថា ករណីបង្ក្រាបខាងលើនេះដោយមានការរាយការណ៍ពីក្រុមអ្នកសារព័ត៌មាននិងដោយមានការចង្អុលបង្ហាញពី ឧត្តមសេនីយ៍ត្រី ហែម បូណារ៉ែល មេបញ្ជាការកងរាជអវុធហត្ថខេត្ត កម្លាំងយើងបានចុះដល់ចំនុចខាងលើបានបង្ក្រាបជាក់ស្តែងនិងបានកសាងសំណុំរឿងបញ្ជូនទៅខណ្ឌរដ្ឋបាលព្រៃឈើដើម្បីបន្តនីត្តិវិធី ហើយឈើខាងលើនេះជាអញ្ញត្តជន។
លោក សុខ សារួន នាយសង្កាត់រដ្ឋបាលព្រៃឈើសែនមនោរម្យបានឲ្យដឹងថា នៅថ្ងៃទី១៩ ខែមករា ឆ្នាំ២០១៩ លោកបានទទួលឈើប្រភេទខាងលើពីកងរាជអាវុធហត្ថប្រគល់ឲ្យចំនួន២៣ដុំដែលក្រុមឈ្មួញយកទៅលាក់ទុកក្នុងព្រៃត្រៀមយកទៅលក់ឲ្យឈ្មួញយួននាំចេញតាមច្រកណាំលៀ(ប៉ុស្តិ៍07) ។
បច្ចុប្បន្ននេះ កំពុងកសាសំណុំរឿងបញ្ជូនទៅសាលាដំបូងខេត្តមណ្ឌលគិរីដើម្បីចំណាត់ការតាមផ្លូវច្បាប់៕
(ដោយសារព័ត៌មាន និងគេហទំព័រខ្មែរអច្ឆរិយ) http://wwwkhpress.net
