ក្រុងប៉ោយប៉ែត ៖
ចេញផ្សាយថ្ងៃសៅរ៍ ១៤កើត ខែបុស្ស ឆ្នាំច សំរឹស័ក ព.ស២៥៦២ត្រូវថ្ងៃទី១៩ ខែមករា ឆ្នាំ២០១៩ !
អត្ថបទដោយ: លោក វ៉ិត រិទ្ធ
ដោយមានការចង្អុលបង្ហាញពីឯកឧត្ដម ឧត្ដមសេនីយ៍ទោ អាត់ ខែម ស្នងការដ្ឋាននគរបាលខេត្តបន្ទាយមានជ័យ នៅវេលាម៉ោង១៩និង២០នាទីថ្ងៃទី១៧ ខែមករា ឆ្នាំ២០១៩កម្លាំងអធិការនគរបាលក្រុងបានសហការណ៍ជាមួយកម្លាំងវរៈសេនាការពារព្រំដែនគោក ៩១១ ប៉ុស្តិ៍ព្រៃគុបនិងកំលាំងប៉ុស្តិផ្សារកណ្ដាលក្រោមការដឹកនាំដោយព្រះរាជអាជ្ញារងសុខ កែវ បណ្ឌិត បានបង្ក្រាបករណីគ្រឿងញៀននិងឃាត់ខ្លួនជនសង្ស័យចំនួន០៨នាក់ដែលជាមុខសញ្ញា សង្ស័យមានឈ្មោះដូចខាងក្រោម:
១/ ឈ្មោះ ផាត់ អឿម ភេទប្រុស អាយុ២៧ឆ្នាំ មុខរបរកម្មករស្នាក់នៅភូមិព្រៃគុប សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ
២/ ឈ្មោះ ទុន សារិទ្ធ ភេទប្រុសអាយុ៥១ឆ្នាំ មុខរបរយោធា ស្នាក់នៅភូមិព្រៃគុប សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
៣ / ឈ្មោះ តេង ប៊ុនទី ភេទប្រុស អាយុ១៨ឆ្នាំ មុខរបរ ជាងម៉ូតូ ស្នាក់នៅភូមិព្រៃគុប សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។
៤/ ឈ្មោះ តេង ដូច ភេទប្រុស អាយុ២៤ឆ្នាំ មុខរបរជាងទូរស័ព្ទ ស្នាក់នៅភូមិព្រៃគុប សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។
៥ / ឈ្មោះ នី ណារ៉ូ ភេទប្រុស អាយុ ១៨ឆ្នាំ មុខរបរ មិនពិតប្រាកដ ស្នាក់នៅភូមិព្រៃគុប សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។
៦ / ឈ្មោះ សៅ វណ្ណះ ភេទប្រុស អាយុ៣៨ឆ្នាំ មុខរបរ រត់ម៉ូតូឌុប ស្នាក់នៅភូមិបឹងបេង ស្រុកម៉ាឡៃ ខេត្តបន្ទាយមានជ័យ ។
៧/ ឈ្មោះ តេង ស្រីល័ក្ខ ភេទស្រី អាយុ១៤ឆ្នាំ មុខរបរ មិនពិតប្រាកដស្នាក់នៅភូមិព្រៃគុប សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។
៨/ ឈ្មោះស៊ុម ពៅ ភេទស្រី អាយុ៤១ឆ្នាំ មុខរបរ លក់ដូរ ស្នាក់នៅភូមិព្រៃគុប សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ
ក្នុងនោះ សមត្ថកិច្ចបានដកហូតវត្ថុតាងរួមមាន ៖
– ម្សៅក្រាមពណ៍សថ្លាសង្ស័យសារធាតុញៀនចំនួន ១២ កូនថង់តូច
– អាវុធខ្លី០១ដើមម៉ាក berapa ផលិតនៅប្រទេសអ៊ីតាលី បង់ចំនួន០១ គ្រាប់ចំនួន ១៣ គ្រាប់ លេខ L88 481Z ពណ៍ទឹកប្រាក់
បច្ចុប្បន្ន ជនសង្ស័យខាងលើ និងវត្ថុតាង ត្រូវបានកម្លាំងជំនាញអធិការក្រុងកសាងសំណុំរឿងដើម្បីបន្តនីតិវិធីតាមផ្លូវច្បាប់ ៕
ដោយសារព័ត៌មាន និងគេហទំព័រខ្មែរអច្ឆរិយៈhttp://wwwkhpress.net
