ខេត្តមណ្ឌលគិរីៈ
ចេញផ្សាយថ្ងៃ០៦ កើត ខែបុស្ស ឆ្នាំច សំរឹទ្ធិស័កព.ស.២៥៦២ ត្រូវថ្ងៃទី១១ ខែមករា ធ្ឆ្នាំ២០១៩
ជនជាប់ចោទ០៤នាក់ដែលជាប់ពាក់ព័ន្ធករណីដេញឡានដឹកឈើបង្ករឲ្យមានគ្រោះថ្នាក់ចរាចរណ៍បណ្ដាលឲ្យមនុស្សស្លាប់០១នាក់និងរងរបួសស្រាលធ្ងន់០៣នាក់នៅចំណុចKm១៣៦ក្នុងភូមិត្រពាំងផ្អេរ ឃុំស្រែខ្ទុម ស្រុកកែវសីមា ខេត្តមណ្ឌលគិរី កាលពីថ្ងៃទី២៧ ខែធ្នូ ឆ្នាំ២០១៨វេលាម៉ោង៦និង២៤នាទីកន្លងមកនាពេលថ្មីៗនេះ។
សូមបញ្ជាក់ថាក្រោយពីតុលាការធ្វើការសាកសួរស្ដាប់ចម្លើយរួចរាល់បញ្ចប់នីតិវីធីនៅតុលាការជនជាប់ចោទខាងលើត្រូវបានអយ្យការនៃសាលាដំបូងខេត្តសម្រេចចេញដីកាឃុំខ្លួនបណ្ដោះអាសន្ននៅពន្ធនាគារខេត្តនារសៀថ្ងៃទី២៩ធ្ឆ្នាំ២០១៨មានឈ្មោះដូចខាងក្រោម:
១.លោក យូ រ៉ាវុធ ភេទប្រុស អាយុ៥១ឆ្នាំ មុខរបរយោធា
២.លោក វ៉ាន់ រួន ភេទប្រុសអាយុ៥៤ឆ្នាំ នគរបាល
៣.លោក ស្រ៊ុន ឈួនភេទប្រុសអាយុ៤៣ឆ្នាំ មុខរបរ មន្ត្រីរដ្ឋបាលព្រៃឈើ
៤.លោក សៀង ចំរ៉ុងភេទប្រុស អាយុ៣៥ ឆ្នាំ មុខរបរ មន្ត្រីនគរបាល។
មកដល់រសៀលថ្ងៃទី១០ខែមករាឆ្នាំ២០១៩ជនជាប់ចោទទាំង០៤នាក់ត្រូវបានអយ្យការនៃសាលាដំបូងខេត្តបានចេញដីការសម្រេចដោះលែងឲ្យនៅក្រៅឃុំវិញហើយ ជុំវិញករណីខាងលើលោក មាស ប្រុស ប្រធានរដ្ឋបាល និងជាអ្នកនាំពាក្យរបស់សាលាដំបូងបានឲ្យដឹងថា ជនជាប់ចោទខាងលើពិតជាមានដីការសម្រេចដោះលែងដោយលោកចៅក្រម ស៊ុន ពិសិដ្ឋ។
លោកបានបន្តទៀតថា ការដោះលែងឲ្យនៅក្រៅឃុំនេះគឺបានធ្វើឡើងដោយមានការសងនូវសំណងរដ្ឋប្បវេណីទៅលើក្រុមគ្រួសារជនរងគ្រោះដែលបានស្លាប់រួចរាល់ក្នុងផ្លូវច្បាប់អស់ហើយតែចំពោះបណ្ដឹងអាជ្ញានៅមិនទាន់បានបញ្ចប់នៅឡើយទេនៅក្នុងសំណុំរឿងនេះ ។
ចំពោះជនជាប់ចោទ០៣នាក់ទៀតដែលបានរត់គេចខ្លួនបាត់នោះមានឈ្មោះ
១/ ឈ្មោះ នី អ្នកសារព័ត៌មាន
២/ ឈ្មោះ ណាង អ្នកសារព័ត៌មាន
៣/ ឈ្មោះ កាណួត ជាយោធា
លោកក៏បានបញ្ជាក់ផងដែរថាតុលាការបានចេញដីការបង្គាប់ឲ្យចូលខ្លនរួចមកហើយដែរ ដើម្បីចំណាត់ការ។
ដោយសារព័ត៌មាននិងគេហទំព័រខ្មែរអច្ឆរិយ: http://www.khpress.net