ចេញផ្សាយថ្ងៃអាទិត្យ ១ កើត ខែបុស្ស ឆ្នាំច សំរឹទ្ធិស័កព.ស.២៥៦២ ត្រូវនឹងថ្ងៃទី០៦ ខែមករា ឆ្នាំ២០១៩
ខេត្តមណ្ឌលគិរី ៖នៅថ្ងៃទី០៦ខែមករាឆ្នាំ២០១៩វេលម៉ោង០៩និង៣០នាទីនៅចំណុចអូរទេ ភូមិដើមស្រល់ សង្កាត់រមនា ក្រុងសែនមនោរម្យខេត្តមណ្ឌលគិរីមន្ត្រីជំនាញខ័ណ្ឌរដ្ឋបាលព្រៃឈើបានសហការណ៍ជាមួយកំលាំងរបស់ស្នងការនគរបាលខេត្តបានបង្ក្រាបរថយន្តសាំងយ៉ុងចំនួន០៣គ្រឿងនិងរថយន្តហ្វតចំនួន០១គ្រឿងដឹកទ្វារប្រភេទឈើសុក្រំសរុប៣១សន្លឹកនិងគ្រោង នីវ ២០០សន្លឹក គ្រែព្រះនាងចំនួន០៣គ្រឿងដឹកចេញពីស្រុកកោះញែកយកទៅលក់នៅភ្នំពេញ។
លោកអ៊ូ ភ័ក្ដី នាយរងខ័ណ្ឌរដ្ឋបាលព្រៃឈើបានឲ្យដឹងថារថយន្តខាងលេីដែលឃាត់នោះម្មាស់មានឈ្មោះដូចខាងក្រោម:
១/ ឈ្មោះ សុះ ម៉ារី ២/ ឈ្មោះ ប្រាក់ផៃ ៣/ ពៅ ម៉ាលី ៤/ ឈ្មោះ ភ័ក្រ អ្នកទាំងបួនរស់នៅភូមិរង្សី ឃុំស្រែសង្គម ស្រុកកោះញែក ខេត្តមណ្ឌលគិរី ។
ម្ចាស់រថយន្តទាំងបួនបានរៀបរាប់ថាពួកគាត់មានការខ្វះខាតលុយកាក់បង់ធនាគារបាននាំគ្នាចងការប្រាក់ទិញរបស់កែច្នៃហើយ(ទ្វារ)យកទៅលក់នៅភ្នំពេញ ដើម្បីចំណេញខ្លះៗមកដោះស្រាយជីវភាពហើយក៏មិនស្មានថាដឹករបស់កែច្នៃ ហើយត្រូវបានច្បាប់ហាមឃាត់នោះទេ។
បងស្រី សុះ ម៉ារី បានប្រាប់ថារថយន្តរបស់គាត់ដឹកទ្វារចំនួន១៣វង់និងគ្រោង លោក ប្រាក់ផៃ ដឹកទ្វាចំនួន០៨វង់និងគ្រោង បងស្រី ពៅម៉ាលី ដឹកទ្វារចំនួន១០វង់និងគ្រោង រថយន្តរបស់ពួកគាត់ទាំងបីនាក់ម៉ាកសាំយ៉ុងដឹកសរុប៣១វង់និងគ្រោង ចំណែកលោកភក្រ័ មានរថយន្តម៉ាកហ្វតដឹកនីវឈើសុក្រំចំនួន២០០បន្ទះគ្រែព្រះនាងចំនួន០៣គ្រឿងមកដល់ចំណុចខាងលើត្រូវបានជំនាញឃាត់យកមកកន្លែង។
បច្ចុប្បន្ននេះរថយន្តទាំង០៤គ្រឿងខាងលើត្រូវបានឃាត់រក្សាទុកនៅខ័ណ្ឌរដ្ឋបាលព្រៃឈើដើម្បីអនុវត្តនូវនិតិវិធីស្តីពីច្បាប់ព្រៃឈើនិងបន្តការស្រាវជ្រាវសិប្បកម្មកែច្នៃមួយចំនួនដែលគ្មានច្បាប់៕
(ដោយសារព័ត៌មាននិងគេហទំព័រខ្មែរអច្ឆរិយ:) http://www.khpress.net