ចេញផ្សាយថ្ងៃព្រហស្បតិ៍ ១២រោជ ខែមិគសិរ ឆ្នាំច សំរឹទ្ធិស័កព.ស.២៥៦២ ត្រូវនឹងថ្ងៃទី០៣ ខែមករា ឆ្នាំ២០១៩
ខេត្តកំពង់ស្ពឺ:(ព័ត៌មានបឋម)
នៅរសៀលថ្ងៃទី០៣ ខែមករា ឆ្នាំ២០១៩នេះ មានហេតុការណ៍គ្រោះថ្នាក់ចរាចរណ៍ ដ៏គួរឲ្យរន្ធត់មួយ រវាងរថយន្ដកុងតឺន័រ និង រថយន្ដធុនតូចប្រមាណ១០គ្រឿងផ្សេងទៀតនៅតាមបណ្ដោយផ្លូវជាតិលេខ៤ ជិតជ្រោះពេជ្រនិល ស្ថិតក្នុងភូមិទី៦ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។
ករណីគ្រោះថ្នាក់ចរាចរណ៍ខាងលេីនេះ គេមិនទាន់ដឹងថា មានជនរងគ្រោះស្លាប់ ឬរបួសធ្ងន់ស្រាលប៉ុន្មាននាក់នៅឡើយទេ ដោយខណៈពេលកម្លាំងសមត្ថកិច្ចចម្រុះ កំពុងតែអន្ដរាគមន៍ដើម្បីជួយសង្គ្រោះ។ ដោយឡែកនៅកន្លែងហេតុ ក៏បង្កឲ្យមានការកកស្ទះចរាចរណ៍ខ្លាំងផងដែរ។ សូមរងចាំតាមដានបន្ត(ដោយសារព័ត៌មាននិងគេហទំព័រ ” ខ្មែរអច្ឆរិយ: ” http://www.khpress.net)